Desteya Bijîşkî ya giştî ya bajarokên başûrê Şama paytext Hişyarî da Ji “Bobelateke mirovî “dê bi serê 200hezar sivîlên dorpêçkirî were, eger piştgiriya bijîşkî ji nexweşxana bi tenê re li herêmê nebe.
Berpirsiyarê ragihandinê yê “Desteya bijîşkî” Mihemed Ebû Elyusir ji acansa “Simart” re got ku aliyên ko piştgirî dikirin alîkariya xwe ji ser nexweşxana “Şehîd Elmihrab” rawestandine, û ev ê bibe sedema nebûna xizmetên bijîşkî ji niştecihên bajarokên Bîbîla û Beyt Sehim û Yilda yên dorpêçkirî re.
Piraniya herêmên dorpêçkirî derman li wan pir kêm bûye, her weha heyberên bijîşkî û yên xwarinê, û ev awayek ji yên rêjîmê ye ji bo dijîtiya herêmên serhildan kirine, da wan neçarî radestbûnê bike, û ev li gora yasaya navdewletî ya mirovî ji “tawankariyên cengê ” ne.
“Ebû Elyusir” bêtir got ko nexweşxanê di dema buhûrî de karê xwe bi dermanên du kamyonên Netewên Yekbûyî jê re şandibûn birêve dibir, lê li gora gotina berpirsiyarê ragihandinê yê desteyê hindik maye bidawî bibin, û wê karê bijîşkî jî raweste.
Ebû Elyusir got ku nexweşxane mehane bêtir ji 150 operasiyonên neştergeriyê pêk tîne, û nexweşxaneyê dora 120 kesên nexweşiyên wan dijwar bûn çareser kirine, hem jî rewşên lezgîn û lênerîn û operesyonên jidayikbûnê, û destnîşan kir ko xelk nikarin buhayê çareserkirinê li nexweşxanên taybet bidin, her weha nikarin biçin herêmên di bin kontrola rêjîmê de jî, ji tirsa ko bêne girtin an wan bibin leşkeriya neçar.
Di nîsana borî de Netewên Yekbûyî karwanekî alîkariyên mirovî derbasî bajarokên Bîbîla û Yilda û Beyt Sehem kiribûn, piştî ko salekê nikarîbûn alîkariyan derbas bikin, û ew hersî bajarok ji herêmên ji hêla rêjîmê ve dorpêçkirî ne, tev ko nûnerên wan agirbestek imze kirine ji bo bihêlin heyberên xwarinê û yên bijîşkî derbas bibin.
Jêder: Nivîsgeha Ragihandinê ya Hevbendiya Niştimanî/Simart
