Serokê Hevbendiya Niştimanî ya Sûrî Salim Elmislit û Serokê Desteya Danûstandinê ya Sûrî Enes Elebde, û Serokê Hikûmeta Sûrî ya Demkî Ebidilrihman Mustefa, li gel Wezîrê Derve yê Tirkiyê Mevlüt Çavuşoğlu li Paytexta Tirkiyê Enqerê civiyan, û pêre behsa pêşhatên rewşa meydanî û siyasî li Sûriyê kirin.
Û hevdîtinê giringî da mijarên sereke wek bombebarana li dijî Idlibê dibe, û pêşketinên meydanî yên dawîn li Deraa.
Û Serokê Hevbendiya Niştimanî spasî bo Tirkiyê û gelê Tirkiyê li ser piştgiriya ku daye gelê Sûrî di têkoşîna dijî zordarî û stemkariyê û karên ku bo pêşwaziya sûriyan li ser xaka Tirkiyê kirine pêşkêş kir.
Û Serokê Hevbendiya Niştimanî tekez kir ku gurkirina li ser Deraa û parêzgeha Idlibê û berdewamiya binpêkirinan ji aliyê rijêma tawanbar û milîsên Îranî û Rûsî ve, nîşanên rewşeke mirovahî ya bobelatî ne, û got ku Rûsiya pabendiyê bi rêkeftina kêmkirina şer li bakurê Sûriyê nake, û bi awayekî rojane nemaze di heyvên vê dawiyê de binpêkirinan dike.
Û Wezîrê Derve yê Tirkiyê tekezî li ser karê Tirkiyê yê berdewam bo parastina aramiyê û nehiştina binpêkirinan li bakurê Sûriyê kir, û got ku ew doseya Deraa li gel Rûsiya behs dike, daku operasyonên bombebaranê û koçberkirina nişteciyan li wê derê raweste.
Û Wezîr cextî li ser yekîtiya xaka Sûriyê û bidawîkirina hebûna rêxistinên terrorist wek PKK ya ku hîn beşin ji xaka Sûriyê dagîr dike kir.
Û Çavuşoğlu got ku Tirkiyê li gel Rûsiya bo pêşdebirina karê Komîteya Destûrî û nehêle ku rijêm wê ji kar bixe dişopîne, û tekezî li ser pêwîstiya yekîtî û hemahengî û pêşxistina diyaloga li gel civaka navdewletî kir.
Û Çavuşoğlu tekezî li ser berdewamiya welatê xwe di rawestandina li kêlek gelê Sûrî û doza wî ya rewa û li ser piştgiriya Hevbendiya Niştimanî û Hikûmeta Sûrî ya Demkî wek nûnerên rewa bo gelê Sûrî kir, û pesnê pêngavên çaksazî yên ku Hevbendî pê radibe da.
Jêder: Ofîsa Ragihandinê ya Hevbendiya Niştimanî ya Sûrî
