Serokê Desteya Danûstandinê ya Sûrî Enes Elebde, kongirekî rojnemevanî lidar xist, ji bo ku roniyê bide ser hewldanên xwarkirina rêgeya pirosesa siyasî, bi armanca ku wê ji gewherê wê yê girêdayî veguhestina siyasî ya tam li welêt derînin.
Û di destpêka kongir de, Elebde daxwaza pêşkêşkirina alîkariyên lezgîn bo xelkê me yên di kampan de yên ku derdeseriyan dikşînin bi sedema bahozên berfê yên ku di rojên bûrî de li konên wan xistine ji tevaya saziyên navdewletî kir, her weha bo xelkê me yên penaber li dewletên derdora Sûriyê, û nemaze li devera Irsal ya Libnanî, û spasiyên xwe bo tevaya saziyên Sûrî yên di vî warê de kar dikin ji bo alîkariyê bi kesên ku ziyan dîtine re bikin û pêdviyên pêwîst bo wan dabîn bikin, pêşkêş kirin.
Û Elebde tekez kir ku metirsiyeke rasteqîn heye, pirosesa siyasî ya ku gewherê wê veguhestina siyasî ye armanc dike, û got ku rêgeyên niha çêdibin ji hêla dewletên ku bi rijêmê ve girêdayî têne der, û ew bizavê dikin daku guhertinê di pirosesa siyasî de çêbikin, û wê ji rê û armancên wê derînin.
Û tekez kir ku biryara navdewletî 2254, cîbicîkirina veguhestina siyasî ya tam li seranserî welêt e, û çi pirosesên neghên vê armancê cihê Desteya Danûstandinê di wan de nîne.
Û Elebde bêdengiya ji aliyê dewletên xwedî-bandor ve di doseya Sûriyê de û ji aliyê Netewên Yekbûyî ve li ser daxwiyaniyên Rûsî yên vê dawiyê û desttêwerdanên wê yên beloq di karûbarên Sûriyê de şermezar kir, her weha bersivnedana Şanderê Navdewletî Ger Pederson li ser daxwiyaniyên ku yekser li ser zimanê wî belav bûne.
Û bal kişand ser ku ew berî çend rojan li Paytexta Qeterê Eldewha, bi Şanderê Navdewletî re civiyaye, û Pederson tevaya gotinên ku li ser zimanê wî derketine ret kirin, yên dibêjin ku aliyên Sûrî li ser guhertina rijêmê naaxivin, û got ku wî di riya wê hevdîtinê re daxwaza çespandina bendê yekemîn wek helwesta Desteya Danûstandinê di doseya rûniştinê de kir, naveroka wê ew e ku Deste pêgiriyê bi cîbicîkirina tam ji biryara navdewletî 2254an re, û pêkanîna veguhestina siyasî yaku hêviyên gelê Sûrî bicî tine, dike.
Û Elebde cextî li ser pêwîstiya ku divê Netewên Yekbûyî tevlî çi mijarên ku nakevin xizmeta pirosesa siyasî an cîbicîkirina biryara 2254an de kir, û got ku tu çare bêyî veguhestina siyasî nînin, û ew jî tiştekî girîng e û barê wê li ser milê Netewên Yekbûyî ye.
Û Serokê Desteya Danûstandinê, careka dî daxwaza vekirina tevaya sepetên di biryara 2254an de hatine kir, û ku tenê bi rêya Komîteya Destûrî nekin, û pirsa sedemên ku nahêlin Netewên Yekbûyî pê rabibe kir, û daxwaza diyarkirina wan sedeman li pêşiya Sûriyan bi awayekî zelal kir.
Û Elebde venekirina rêyên dîtir yên di biryara 2254an de hatine ji aliyê Netewên Yekbûyî ve şermezar kir, û li şûna wê rabûna bi karê belavkirina rêbazên nû û ne diyar û ne destnîşankirî wek pirojeya Pêngav bi Pêngavê yaku biryarê ji rê derdixe kir, û hişyarî da ku kiryarên weha dibe ku bighînin rewakirina rijêmê, û ji Netewên Yekbûyî xwest ku lêvegerekê ji rêbazên xwe re çêbike.
Û Elebde cextî li ser pêgiriya bi helwestên şoreşa Sûrî kir, û bal kişand ser ku li ba şoreşê xak û hêzeke leşkerî û hikumdarî û aborî heye, ew jî hêza pêgiriyê dide me, her weha berdewamiya ji bo têkbirina tevaya hewldanên guhertina pirosesa siyasî û gewherê biryarên taybet bi karûbarê Sûriyê .
Û Elebde got: “Em nîv çareseriyan ret dikin, û rûxandina rijêmê rastiyeke dîrokî ye, û bar giran e, û me soz û peyman daye ku emê di vê rêyê de berdewam bikin, û em ji xwasteka rûxandina rijêma Esed yaku Sûriya wêran kiriye danagerin”.
Jêder: Ofîsa Ragihandinê ya Hevbendiya Niştimanî ya Sûrî
