Rêkxistineke Birîtanî ya serbixwe ragihand ko 1800 sivîl bi kêmanî li Reqayê hatine kuştin, di pevçûnên QSD yên ji Hevpeymana navdewletî ya bi serpereştiya Emerîka têne piştgirîkirin ji bo Reqayê ji destê rêkxistina Daiş vegerînin ya ji cehzerdana borî ve dest pê kiriye.
Rêkxistina (Air Wars) ya Birîtanî ya nefermî di raporta xwe ya pêncşemê de got ku niştecihan bi kêmanî 700 şehîd nas kirine, hineka di malê xwe de jiyana xwe jidest dane û hinên din gava reviyane an jî gava xwestine kelaxê kuştiyên xwe bînin.
Rêkxistinê diyar kir ko bi hezaran sivîl di hefteya dawî de ji Reqa ji ber şer reviyane, herweha 275 endamên Daiş cihê xwe vala kirine û xwe radest kirine.
Birêveberê toreya Sûriyê ya mafê mirovan Fedil Ebdulxenî texmîn dike ko hejmara kuştiyên sivîl bi sedema pevçûnan ji cehzerdana borî de giha 1854 şehîdî.
Ebdulxenî got hevpeymana navdewletî bû sedema kuştina 1058 kesan ji wan, û 311 bi destê rêkxistina Daiş hatin kuştin, û milîtanên QSD bûn sedema kuştina 191 kesî.
Birêvebera rêkxistina “Zaroktiyê Rizgar Bikin” li Sûriyê “Sonya Xoş”, anî ziman ko li dora 270 hezar kesî ji ber şer û pevçûnan ji Reqayê reviyane, û bêtir got ko “hêj ew hewcedarî alîkariyan e, di heman çaxê ko kamp teng in ji ber hejmara pir ya derbideran.”
Hevbendiya Niştimanî ya Hêzên Şoreşê û rikberiya Sûriyê jî operasiyonên bombebarana komelî ya digihê sivîlêm Reqayê pirotesto kir, û daxwaz kir ko vekolînek çêbibe û berpirsiyaran siza bikin û daxwaz ji Netewên Yekbûyî ko rêbuhlrkên aram ji sivîlan re çêbibin û alîkariyên mirovî bigehînin wan.
Jêder: Nivîsgeha Ragihandinê ya Hevbendiya Niştimanî/Acans
