17 Rêkxistinên Sivîl yên Sûrî daxuyaniyek derxistin bi navê ‘’Belga helwesta derbarê Dêra Zorê”, têde daxwaz ji hêzên hevpeymana navdewletî ya bi serpereştiya Emerîka kirin ko rêzgê li mafên mirovan yên bingehîn bigirin û wan bikin ji pêşindeyên xwe.
Daxuyaniyê anî ziman ‘’ ko kuştina ne kêmî 329 sivîlan bi sedema êrîşên asmanî li ser herêmên corbicor li parêzgeha Dêra Zorê ji destpêka meha Tebaxê 2017ê û heta dawiya heyva eulûnê 2017ê belgeh kirine, ji nav wan 81 zarok û 59 jin, û hêzên Esed û Rûsya berpirsên hejmara herî pir ji sivîlan e. ‘’
Daxuyaniyê got ko “operasiyonên leşkerî li parêzgehgeha Dêra zorê bû sedema derbideriyeke xurt û kuştina bi sedan sivîl ji encama bombebarakirina asmanî ji hêla hêzên rêjîma Esed û Rûsya û hêzên hevpeymana navdewletî ve”.
Rêkxistinan di daxuyaniya xwe de destnîşan kir ko bajar û gundên parêzgeha Dêra zorê di bin zincîreke ji operasiyonên leşkerî de ye, bi taybetî piştî êrîşên asmanî zêde bûne û tev dilezînin ji bo kontrolkirina herêmên DAIŞê.
Her weha daxuyaniyê tekez kir ko ‘’gund û bajarokên başûrê çemê Ferat bi tekûzî niştecî di wan de nemane, û rêjeya wêraniya xaniyên sivîlan û dikanan bêtir ji 40% ye. ‘’
Rêkxistinan di daxuyaniya xwe de gotin:” Divê hêzên êrîşker dabîn bikin ko zarokan beşdarî operasiyonên leşkerî nekin û rêbuhêrkên hêmin û aram vekin ji bo sivîl derkevin ber bi kampinan ku rêzê li rûmeta mirovan bigirin, û dabîn bikin ko tevgera derbideran asteng nebe”.
Daxuyaniyê daxwaz ji rêkxistin û hêzên hevpeymana navdewletî û hevkarên wê kirin ku di operasiyonên leşkerî de bi yasayên cengê pabend bin, û hemû karûbaran bikin ji bo sivîl neyêne kuştin û vekolîneke zelal di êrîşên ko sivîl bûne qurbaniyên wan bikin.
Hevbendiya Niştimanî ya Hêzên Şoreşê û Hevrikiya Sûriyê, komkujiyên hovane yên ku bi dehan şehîd tê de ketine pirotesto kirin, û berpirsiyariya wê da ser Rûsya û Esed û milîtanên tirorist yên Îranî û rêkxistina DAIŞ.
Hevbendiya Niştimanî daxwaz ji Encûmena Ewlekariyê û şandyarê taybet yê Netewên Yekgirtî Stîvan Dî Mistora kir ko pêrabûnên pêdivî bikin da van kuştaran rawestînin, û yên pê rabûne ber bi dadgehan ve bidin, û bizavên şerê tiroristiyê bikin yek û jêderên wê nehêlin.
Jêder: Nivîsgeha Ragihandinê ya Hevbendiya Niştimanî-Beledî Niyûz
