Berdevka wezareta derve ya Amerîka Hizdir Nawirt di çapêketinekê de ligel kenala Elhura got ku serokê Rijêmê Bişar Esed “ji demke dirêj de rewayî ji dest daye”, û bal kişand ku “rojên Esed hindik mane“.
Duhî Nawirt di çavpêketinê de diyar kir û got ku ” em bawerin ku gelê Sûriyê naxwaze ew kes bibe serok yê ew û rijêma xwe berpirsyar in di ber kuştina gelek sivîlên bêguneh û encamdan êrîşên bi gazên kîmawî de li dijî gelê xwe“.
Nawirt got ku destêwerdana Rûsiya bû alîkar bo “rizgarkirina Esed û rijêma wî”, û bal kişand ku” ew dikarin ligel Rûsiya kar bikin ji bo destnîşankirina nerîn û paşerojeke nû bo Sûriyê“.
Berpirsa Amerîkî got ku “ev pêgav li ser riya rast in, di şerekî pir dirêj de, û zêdetir got ku me îro gelek pêşketin pêk aniye eger em bi berê re bipîvin, ji sal û nîvekê de”, û da zanîn ku heta niha “hîç demeke destnîşankirî ji bo çi tiştî nehatiye danînin“.
Hêjayê gotinê ye ku wezîrê derve yê Amerîka, Rex Têlirson, piştî hevdîtinekê bi Nûnerê Taybet yê Neteweyên Yekbûyî, Staffen de Mistura, re li Cinêvê, da zanîn ku desthilata malbata Esad bi dawî dibe, û diyar kir ku mijara sereke çawaniya bidawîkirina wê desthilatê ye.
Tillerson diyar kiribû ku Amerîka “Sûriyeke yekgirtî bêyî Beşar Esad li ser desthilatê be dixwaze”, û pabendiya Waşinton bi vejînkirina pêvajoya Cinêv bo çareseriyeke siyasî ya giştgîr dupat kir, û gotibû: “me pabendiya xwe bi pêvejoya aştiyê li Sûriyê daye, di hevdîtina bi nûnerê Taybet yê NY re de“.
Jêder: Ofîsa Ragihandina Hevbendiya Niştimanî/Wekalat
