Ji aliyê şeş hêzên şoreşgerî yekgirtinek bi navê “Artêşa Himus” hat ragihandin, ku ji van hêzan pêktê: ” Kombenda Tîp û Tabûrên 313″, û “Kombenda Tîp û Tabûrên Şûrên Heqiyê”, “Tîpa Alîgirên Heqiyê”, “Tîpa Alîgirên Sine û Şerî’etê” û “Sertîpa Telbîsê”.
Û ligor daxuyaniya vî laşê nû hatiye damezrandin, ew hevgirtin bi armanca yekdengî û yekrêziyê li tevaya xaka Sûriyê ye, û herwiha ji bo rûbirûbûna hêza tepeseriyê ya rijêma Bişar Esed û hevalbendên wê û milîsên mezhebperist yên hevkarên wê.
Fermandarê kombenda sertîpên leşkerên bedir, ” Ebû Îmad Mîznazî” ji malpera Erebî 21 re got ku ev pêgav hat encamdan piştî çendîn rawêjkariyan ligel fermandarên leşkerî, û bal kişand ku “niha hemahengî ligel hêzên din dibe ji bo yekdengiyê û herwiha ji bo tevlî artêşa nû bibin, bi armanca parastina peransîpên şoreşê û berjewendiya welat”.
Mîznazî zêdekir û got ku “tişta tê gotin derbarê kêmkirina oparesyonên keşkerî, bi xwe derew e û bitenê derfeteke ji bo hêzên Rijêmê ji bo hêza xwe bidin ser hev, ji ber ku ew rojekê tenê jî pabend bi rêkeftina kêmkirina şer nebûye “, û cext kir ku wê bersiva sercem binpêkirinên biryara kêmkirina oparesyonan ji aliyê wan ve bête dan”.
Mîznazî dupat kir ku wê hemahengiya temam ligel sercem hêzên karîger bibe, da bibin yek laş ji bo bikaribin li hember hêzên rijêma Esed rawestin, û Îsam Cu’ma fermandarê ” Artêşa Himus” got ku “yekrêzî û yekdengî yek ji girtingirîn pêwîstiyên serkeftinê û parastina piransîp û biyatên şoreşê ye, şoreşa ji bo bidestxistina rûmet û azadiyê”, û zêdekir û got ku ev artêş her ji ber vê yekê hat damezrandin, ku navçe bi saya nêzîkbûna van hêzan ya wek bendeka asê hat parastin”.
Fermandarê ” Artêşa Himus” ya nû hatî demzrandin got ku ew amade ne ji bo hevkariya ligel hêzên din ji bo yekgirtin û yekrêziyê ji bo rûbirûbûna sercem pilangeriyên navxweyî û derekî û parastina piransîpên şoreşa Sûriyê.
Jêder: Ofîsa Ragihandina Hevbendiya Niştimanî
