Şandê Hevbendiya Niştimanî bi Serokatiya Salim Elmislit Serokê Hevbendiyê, hevdîtinek li gel Cîgira Wezîrê Derve yê Karûbarê Rojhilata Nêzîk Barbara Leaf, bi amedebûna Cîgirê Alîkarê Wezîrê Derve Ethan Goldrich, û Emily Barnez Rêvebira Giştî ya Rêveberiya Îraq û Sûriyê ya Encumena Ewlekariya Netewî di Koşka Sipî de, û Nûnerek ji Wezareta Berevaniyê ya Emrîka li dar xist, û bi wan re behsa tevaya hûrgiliyên dosya Sûriyê yên meydanî û siyasî kir.
Û Şandê Hevbendiyê ji Serokê Hevbendiya Niştimanî Salim Elmislit û Cîgirên Serok Ebdilehed Istêfo, Ebdilhekîm Beşar, Ruba Hebûş û Sekretêrê Desteya Siyasî Ebdilmejîd Berekat û Dîma Mûsa Endama Desteya Giştî pêk hat.
Û Şandê Hevbendiya Niştimanî behsa xitimîna siyasî ya ku piroseya siyasî têde ye kir, û xwest ku Emerîka bi hêz vegere nav dosya siyasî ya sûrî û fişarê ji bo bicîkirina biryarên navdewletî bike, û di pêşî de daxwiyaniya Cinêvê û biryara 2254.
Û Serokê Hevbendiya Niştimanî Salim Elmislit, bal kişand ser giringiya hebûna destpêşxeriyeke navdewletî bi serpereştiya Emerîka, ji bo cîbicîkirina biryara navdewletî, û bal kişand ser ku vegera penaberên Sûrî bi mercê bicîanîna veguhestina siyasî li Sûriyê li gorî biryarên navdewletî ve girêdayî ye.
Û Şandê Hevbendiya Niştimanî behsa dosya mirovî û kiryarên Rijêmê yên reva ji sizayên Emerîka û rola wê di êrîşkirina Rûsya li ser Okranya de kir, û dosyayên meydanî, perwerde û tendirustiyê li deverên rizgarkirî, û binpêkirinên milîsên PYDe yên terorîst li rojhilatê Firatê û reva xelkê ji herêmên di bin kontrola QSDê ber bi deverên rizgarkirî ve gotûbêj kirin.
Û Şandê tekez kir ku Rûsya û reftarên wê yên tawankarî li ser xakê û berepêk û astengkirina wê ji proseya siyasî re, sedema berdewamiya êş û azarên gelê Sûriyê ye, û Şandê behsa mijara girtiyan û pêwîstiya karê ji bo serbestberdana wan û nemaze jin û zarokan kir.
Û Sekreterê Desteya Siyasî Hevrêzkarê Yasaya Qeyser Ebdulmejîd Berekat, derbarê avakirina kompanyayên ewlekarî û leşkerî ji aliyê rijêmê ve ji bo leşkerkirina çekdaran li Sûriyê, bi armanca şandina wan ber bi Okranya de, hember ku ew çekdar ji sizayan rizgar bibin, nemaze kesên ku di zindanên rijêmê de girtî bûn û tawan pêk anîne, axivî.
Û Şandê Hevbendiya Niştimanî tekez kir li ser redkirina asayîkirina têkliyan bi rijêma Esed re an nûavakirin hebe, berî çareseriyeke siyasî û vegera ewlehî û aramiyê li welat çêbibe, û hêviyên gelê Sûriyê di azadî û rûmet û demoqrasiyê de pêk werin, û kesên di ber pêkanîna tawanên cengê de berpisyar in sizayê bibînin.
Û Şandê bal kişand ser ku derdeseriyên ku nişteciyên kampa Elrakan ya li ser sînorê Sûriyê û Urdunê rastiyê tên, ji encama dorpêçkirina ku li ser wan ji aliyê rijêmê û milîsên Îranî ve hatiye sepandine ye, û bal kişand ser rola rijêmê di birçîkirina nişteciyên kampê de, û Şandê amaje bi wê yekê kir ku tawanên rijêmê sînorê xaknîgariya Sûriyê derbas kir û gihişt Okranya, çimkî rijêm her gav piştgiriya xwe ji dijminkariya Rusya li ser Okranya re radigihîne.
Ji hêla xwe ve, aliyê Emerîkî tekez kir ku ew piştgiriya doza gelê Sûriyê dike, û rewşê berve cîbicîkirina biryarên navdewletî de dibe, her weha li mîkanîzmayên nû digere daku fişarê li ser rijêmê û Rûsya bike, û amaje bi wê yekê kir ku helwesta wan derbarê proseya siyasî zelal e, û hewlên wan ji bo avakirina rêveberiyeke navdewletî ya rasteqîn bi armanca cîbicîkirina biryara navdewletî hene.
Û Aliyê Emerîkî cextî li ser giringiya hebûna Hevbendiya Niştimanî li New York û Waşintonê bi awayekî domdar kir, ji ber pêwîstiya pirkirina hevdîtinên bi vî rengî ji bo ku hevbeşiyeke bêhtir di navbera Hevbendiya Niştimanî û tîma berpirsê dosya Sûriyê di Wezareta Derve û di Koşka Sipî de çêbibe.
Jêder: Ofîsa Ragihandinê ya Hevbendiya Niştimanî ya Sûrî
