Neh kes li bajarê Seraqib û şeş kesên din li bajarê Me’ret Nu’man şehîd ketin, ji ber êrîşên leşkerî yên hêzên rêjîmê bi beşdarbûna hêzên Rûsî li ser Idlib û gundewarê wê, digel destpêkirina çalakiyên Sotşî ya Mosko dibêje ku ew ji bo çareserkirineke siyasî ji Sûriyê re ye.
Çalakvanan anîn ziman ko hêzên rêjîmê û çekên asmanî yên Rûsya û milîtanên Îranî operasiyonên xwe li ser hemû xaka Sûriyê berfirehtir kirine, ew jî piştî ko desteya siyasî ya Sûrî beşdarbûna di kongirê Sotşî de red kir.
Çalakvanan ji bajarê Dûma li Xûta rojhilat kurtevîdyo belav kirine, dibêjin ku ew vîdyo yên topbarankirnên ji hêla rêjîmê li ser bajêr in, û di encamê de pênc kes şehîd ketine.
Encûmena xwecihî ya bajarê Seraqib ragehand ko bajar wêran dibe, piştî ko bi êrîşên asmanî yên tund ji firokên cengî û hilîkopterên rêjîmê û Rûsya bombebaran dibe.
Encûmenê di daxuyaniya xwe de got ku bajar ketiye ber bi dehên êrîşan bi bermîlên ji firokên cengî û yên perwan yên rêjîmê ko hemû cûreyên çekan bikar tînin ji wan jî yên qedexe ‘’goşeyî, fosforî, boşeyî, hejhejokî û napalm ‘’, û bêtir got ku bombebarana asmanî ya tund bû sedema wêrankirina piraniya navendên zindîdar li bajêr ‘’ nexewşxane, navendên bijîşkî, firne, bazar‘’ hem jî gelek malên sivîlan û kampên derbideran li derdorê bajar wêran kirine.
Encûmena parêzgeha gundewarê Şamê yekşemê daxuyaniyek derxist têde sûcê tawankariyên Esed li Xûta rojhelat daye ser milê Rûsya, û got ku Rûsya berpirsiyariya tawankariyên rêjîma Esed hiltîne, ji ber ‘’ ew aliyê xwe wek navgîn bo aştiyê dibîne, bê ko fişarê bide ser hêzên Esed ‘’, û diyar kir ko Rûsya agirbesta ragehand, lê rêjîmê ew agirbest piştguh kir.
Serokên desteya danûstandinan ya Sûrî Nesir Elherîrî roja şemiyê ragehand ko Desteya danûstandinan biryar daye ko li Sotşî beşdar nabe, hem jî tekez kir ko ew bi operasiyona siyasî li jêr sîwana Netewên Yekgirtî pabend in.
Elherîrî destnîşan kir ko şanda desteyê di gotûbêjiyê de digel aliyê Rûsî û Netewên Yekgirtî û Komara Tirkiyê û Emerîka berdewam kir, tako çareseriya siyasî li Cinêvê bipêş ve bibe.
Elherîrî tekez kir ko rêjîma Esed baweriyê bi çareserkirina siyasî nayine, lewra dibe asteng li pêşiya operasiyona siyasî.
Jêder: Nivîsgeha Ragihandinê ya Hevbendiya Niştimanî
