Wezîrê derve yê Firensî Can Îf Lodiryan di daxuyaniya wezareta derve ya Firensî de îro sêşembê tekez kir ku bombebarana li ser Xûta rojhelat dijberiyeke metirsî ya yasaya mirovî ya navdewletî ye û binpêkirina wê ye.
daxuyaniya wezareta derve ya Firensî destnîşan kir ko êrîş bi mebest herêmên niştecihan û jêrxaneyên sivîl yên bingehîn ji wan jî bargehên bijîşkî amanc dikin, û daxwaza agirbesteke mirovî kir ko kuştarên Rêjîm û hevalbendên wê li Xûta pêk tînin rawestin.
daxuyaniya wezareta derve ya Firensa berpirsiyarî da ser milê rêjîma Beşar Elesed û hevalbendên wê Rûsya û Îranê, bal kişand ser ko peymana kêmkirina şer ya ko Rûsya û Îran di çarçoveya peymana Astana de piştgiriya wê kirin gerek li ser Xûta cîbicî biba.
Hevbendiya Niştimanî ya Hêzên Şoreşê û Rikberiya Sûriyê di daxuyaniyekê de duh got têkbirina çareseriya siyasî encameke bi mebest e bo berdewamkirina êrîşên leşkerî li ser herêmên Sûriyê û bi taybetî Xûta rojhelat li gundewarê Şamê bêtir got ko Rûsya dixwaze pirosêsa siyasî li gora lêvegera navdewletî veşêre.
Şandyarê taybet yê emîndarê giştî yê Netewên Yekgirtî Stîvan Dî Mistora destnîşan kir ko rewş li Sûriyê xerabtirîn rewş e ji çar salan ve, daxwaz kir ko miletê Sûrî rizgar bikin.
Netewên Yekgirtî daxwaz kir ko armanckiriuna sivîlan li Xûta rojhelat raweste , hevrêzkarê Netewên Yekgirtî yê herêmî bo karûbarê mirovî li Sûriyê Banosimomitzîs şeva borî di daxuyaniyekê de got: amanckirina sivîlan li Xûta rojhelat ya dorpêçkirî divê di cih de raweste di heman çaxê ko rewşa mirovî jidest derdikeve.
Di heman çaxî de toreyên mafnasiyê hişyarî dan ji têkçûna peymana kêmkirina şer piştî ko di hefteyên borî de bi sedan şehîd ketin û xelk birîndar bûne, ji encama êrîşên ji hêla hêzên rêjîmê û hevalbendên wê yên ko li Xûta dibin.
Hejmara dawî ya qurbaniyên sivîl bi sedema bombebarana li ser Xûta rojhelat ya ko tev li herêmên kêmkirina şerî bûye gihaye 120 kesî di 24 demjimêran de.
Jêder: Nivîsgeha Ragihandinê ya Hevbendiya Niştimanî/Acans
