Encûmena xwecihiya bajarê Dûma, duhî roja sêşemê, daxwaz ji civaka navdewletî kir ji bo rawestandina “hilmeta qirkirinê” ya ji aliyê rijêma Bişar Esed û hevalbendên wê dibe li ser bajar û bajarokên Xûta Şamê ya rojhilat.
Encûmena xwecihî daxuyaniyek li ser pêca xwe ya fermî li ser “Telegram” belav kir, û têde gotiye ku “rijêma Esed zilma xwe li ser Xûta rojhilat bi awayekî bêsînor zêde dike nemaze piştî daxuyaniyên wezîrê derve yê Rûsiya û gefên bi dubarekirina çarenivîseke hevşêwe ya Helebê li Xûta rojhilat”.
Daxuyaniyê gotiye ku “navçe rûbirû zêdegaviyeke çaverênekirî dibe bi rêka bikaranîna sercem coreyên çekên qedexekirî, lewra em daxwazê ji NY û civaka navdewletî dikin ku bi erkê xwe yên yasayî û mirovî rabin ji bo rawestandina hilmeta qirkirinê”.
Ji aliyê xwe ve, Sefwan Cindlî endamê desteya siyasî ya Hevbendiya Niştimanî daxwaza standina rêşûnên karatir ji civaka navdewletî kir, û cext li ser giringiya “ku ew rêşûn rijdtir û bileztir bin ji bo rêbigire li pêşiya Rijêmê û rawestandina tawanên wê” kir.
Cindlî duhî di daxuyaniyekê de dît ku helwestên navdewletî û daxuyaniyên berpirsên navnetewî ” kêm bandor in û nagihên asta xwîna şehîdên li Xûtayê tê rijandin”.
Hêjayê gotinê ye ku pêr roja duşemê, encûmena parêzgeha gundewarê Şamê û hikûmeta demkî daxwaz ji desteya danustandinan kiribû ku sercem danustandinan ligel Rijêmê û hevalbendên wê rabigire heta oparesyona leşkerî li ser Xûta rawestîne.
Bi dehan kes li herdu bajarên Mi’ret Elni’man û Seraqib li parêzgeha Idilibê rabibûn bi xwepêşandanekê ji bo hevxemî û piştgiriya xelkê Xûta rojhilat yên bi zehmetî dijîn bi sedema zêdegavî û êrîşên rijêma Esed û Rûsiya li ser wan.
Xwepêşender li kolanên herdu bajaran bi bilindkirina ala şoreşa Sûriyê derketin ji bo sivikirina êrîşên li ser Xûta, û daxwaza yekgirtinê û vekirina aniyên din ji artêşa azad kirin, herwiha daxwaza çûna Esed kirin.
Jêder: Ofîsa Ragihandina Hevbendiya Niştimanî ya