Hêzên rijêma Esed û dezgehên wê yên ewlekariyê, bisalan e di operasyonên kuştina sivîlan di girtîgehan de berdewam e, û ciwanê bi navê Ferec Fuad Elcamûs di bin îşkenceyê de di zîndana Sêdnaya de piştî girtina derdora pênc salan canê xwe ji dest da.
Duh, Duşemê, Tomargeha Sivîl a rijêma Esed ya bajarê Derayê, hin belge radestî malbata girtiyê ku di bin îşkenceyê de miriye kirine, ew belge piştrast dikin ku lawê wan piştî girtina wî û xistina wî di zindana Seydnaya de miriye.
Û jêderekî xwecihî aniye ziman ku xizmên Ferec Fuad Elcamûs yê ku ji xelkê bajarê Dail e, kaxezên wî ji Tomargeha Sivîl li bajarê Deraa wergirtine, û têde diyar bûye ku lawê wan ji dosyên dewletê hatiye hilanîn, û ew niha di nav miriyan de tê jimartin.
Û diyar kir ku Elcamûs berî bi pênc salan li ser destê endamên yek ji xalên leşkerî yên girêdayî rijêmê dema ku berve Şamê diçû hatibû girtin, û berî bi sê salan carekê serdana wî li zîndana Sêdnaya hatibû kirin.
Ji aliyê xwe ve Hevbendiya Niştimanî ya Sûrî, tekez kir ku berdewamiya hêzên ewlekariyê yên rijêmê di kuştina girtiyên di zîndan û girtîgehehan de, nîşan e ku hemû biryarên navdewletî nikaribûn rijêma ku tiya xwînrijandina bêgunehan e rawestînin, lewra hewcedarî bi tevgereke navdewletî heye, ji bo ku girtiyên di zîndanên rijêma Esed de mane rizgar bikin.
Jêder: Ofîsa Ragihandinê ya Hevbendiya Niştimanî ya Sûr
