Netewên Yekgirtî got ku bêtir ji 45hezar kes ber bi sînorê Sûriyê û Urdinê ve derbider bûne, ji gava ko hêzên rêjîmê dest bi operasiyonên xwe yên leşkerî li başûrê Sûriyê kirine, û tekez kir ko jiyana 750hezar sivîlî di metirsiyê de ye.
Di kongirekî rojnamevanî de, Ferhan Heq berdevkê emîndarê giştî yê Netewên Yekgirtî li New Yorkê lidar xistiye, Heq nîgeraniya xwe derbarê gûrbûna pevçûnan li Dera anî ziman, û destnîşan kir ko jiyana 750hezar sivîlî di metirsiyê de ye.
Ji destpêka êrîşên rêjîmê û Rûsya li dijî sivîlan, bi dehan şehîd û birîndar li Dera ketine, û çalakvanan gotin ku bajar û bajarokên Dera ketine ber bombebaraneke hovane, û bal kişandine ser ko berê jî rêjîmê ev awayê koçkirina kotekî bikar aniye.
Emîndarê giştî yê Netewên Yekgirtî Entonyo Gotrîş careke din tekez kir ko giring e rêjîm operasiyona xwe ya leşkerî li başûrê Sûriyê rawestîne, û got ku divê rêz li pabendiyên navdewletî bête girtin, û parastina sivîl û jêrxanên sivîliyê bibe.
Emîndarê giştî got ko bi hezaran kesên ko bi sedema operasiyonên leşkerî yên ko rêjîm û hevalbendên wê serpereştiya wan dikin ber bi sînorê Urdinê ve reviyane.
Jêder: Nivîsgeha Ragihandinê ya Hevbendiya Niştimanî
