Çekdarên Partiya Yekîtiya Dîmuqrat PYD, sibeha roja Çarşemê 27 Hezêranê, Ekrem Xelef, endamê nivîsgeha sekretariya Hevgirtina Ciwan û Xwendekarên Dîmuqratî Kurdistanî binçav kir.
Jêderkê ji malbata Xelef ji malpera Hevbendiyê re ragihand ku hêzeke ji çekdarên PYD demjmêr 3 berbanga roja Çarşemê êrîşî mala Ekrem kirin û ew binçav kirin û ber bi cihekî nediyar ve birin.
Malbata Xelef doza naskirina cihê kurê xwe û sedema girtina wî ji PYD kirin, û ta niha PYD tu bersiv nedaye wan.
Tê zanîn ku di hefteya bûrî de çekdarên PYD 7 endamên partiyên Encumana Niştimanî ya Kurd li Sûriyê ENKS binçav kirine.
Jêder: Beşê Kurdî ji Nivîsgeha Ragihandinê ya Hevbendiyê
