Penaberekî din yê Filistînî ji kampa Yermûk a penaberan li Şamê, piştî sê mehan ji binçavkirinê, di girtîgehên rejîmê de jiyana xwe jidest da, û li gor “koma kar ya ji bo Filistîniyan li Sûriyê” ku ew di sala 2015’an de piştî çareserkirina rewşa wî ya yasayî û derketina ji kampa Yermûk hatibû girtin.
Çalakvan diyar kir ku êşa herî mezin ya mirina di bin îşkenceya zindanên rêjîma Esed de, ku malbata wî nikarîbû ti amajeyek bi navê wî yan bi ti hurgilîyên din li ser bidin, ji tirsa bêne darizandin û sizakirin ji aliyê dezgehên ewlekariya rejîmê.
Koma kar di rapora xwe ya dawiyê de got ku heta roja duşemê wê rûbirûbûna (5258) Filistîniyan ji binpêkirinên fizîkî yên mezin re dukomit kiriye, tevî bi hezaran kesên birîndar ji ber sedemên cûda ji destpêka şoreşa Sûriyê ji sala 2011’an ve.
Tîma Çavdêriyê ya Koma Kar piştrast kir ku 606 penaberên filistînî li Sûriyê ji alîyê rejîma Esed û mîlîtanên hevkarên rejîmê di bin îşkenceyê de hatine kuştin, di nav de zarok, jin û pîr.
Tîma çavdêriyê diyar kir ku rejîm hêjî berdewam e li ser bêserûşûnkirina zêdetir ji (1759) Filistîniyan di girtîgehan û şaxên ewlekariyê de, di nav de 109 jin, ku rastî hemû cûreyên îşkenceyê bûne di girtîgeh û navendên binçavkirinê de yên veşartî û xuya, bê ti xizmetên tenduristiyê di şert û mercên mirovî yên gelek dijwar de, ku bûn sedema mirina bi sedan kesên binçavkirî.
Tê zanîn ku ji aliyê dezgehên ewlekariyê yên rêjîmê, belgeyên mirinê bo bi dehan qurbaniyên îşkenceyê hatine dan, lê malbatên wan ji tirsa tolhildan û zordariya ewlekariya rêjîmê; nikarin navên wan eşkere bikin, hevdem ku kesên têne serbestberdan, mirina penaberên Filistînê ya di girtîgehan de piştrast dikin, bêyî eşkerekirina navan.
Jêder: Ofîsa Ragihandina Hevbendiya Niştimanî ya Sûrî
