Desteya siyasî ya Hevbendiya Niştimanî ya Hêzên Şoreşê û Rikberiya Sûriyê, civîneke şêwermendiyê digel çend pisporên karûbarên Tirkyê û mafnasên Sûrî pêk anî, ji bo rewşa penaber û niştecihên Sûrî yên li Tirkyê gotûbêj bikin.
Gengeşe li ser pêşveçûnên rewşa li Istanbulê çêbûye hate kirin, û komîta yasayî ya Hevbendiya Niştimanî raportek li ser rewşa Sûriyên li Tirkiyê û nirxandina rewşa wan li gora peymana penaberan ya sala 1951ê û yasaya demkî ya Tirkî ya sala 2016ê ya ko desthilata Tirkiyê bo çareserkirina kêşeya penaberên Sûrî yên li ser xaka Tirkiyê daniye pêşkêş kir.
Civîngeran çend pêşinyar û destpêşxerî bo çareserkirina arîşeyên Sûriyan li Tirkiyê pêşkêş kirin, ji bo bîntengiya li nav civaka Tirkiyê çêbûye sivik bike, û tekezî li ser hezkirina navbera miletê Sûrî û yê Tirkî û peywendiyên navbera herdu welatan de kirin.
Serokê Hevbendiya Niştimanî Enes Elebde bal kişand ser ko wan çend peywendî di van rojên dawî de bi çend aliyên Tirkî re danîne, bo pêrabûnên derheqê penaber û Sûriyên niştecih bûne li Istanbulê gotûbêj bikin.
Elebde got ku Hevbendiya Niştimanî amadekariya hevdîtinekê digel wezîrê navxweyî yê Tirkiyê Silêman Soylo di çend rojên dahatî de dike, û tekez kir ko ew dê hin karsparteyan bo birêz Soylo biguhêze bi amanca arîşeyên Sûriyên li Tirkiyê niştecih bûne çareser bike.
Elebde spasiya Tirkiyê kir ya ko barekî mezin hilgirtiye dema rêjeyeke mezin ji penaberên Sûrî pêşwazî kiriye, û got ku giring e penaberên Sûrî jî bi yasayên Tirkiyê pabend bin, û rêzê li rewişt û kultura civaka Tirkî bigirin.
Elebde daxwaz kir ko koçberkirina penaberên Sûrî, yên ko karta parastina demkî digel wan nîn e bête rawestandin, û ji desthilatdarên Tirkiyê xwest ku muhleteke ne kêmtir ji sê heyvan bidin tako yên rewşa wan ne dirist; rewşa xwe ya niştecihbûnê li gora yasayên Tirkiyê dirist bikin.
Serokê Hevbendiyê bal kişand ser giringiya hêsankirina destûrdana kar , û rê bidin malbatên ko takekesên wê karta parastinê ya ji çend iyaletan bi wan re heye ko rewşa xwe dirist bikin.
Jêder: Ofêsa Ragehandinê ya Hevbendiya Niştimanî
