Hin çalakiyên sivîl li navçeyên rizgarkirî li bakurê Sûriyê bang li civaka navdewletî kirin ji bo rawestandina oparesyonên bombebarankirina ji hêla rejima Esed û Rûsya li ser Idlib û gundewarê Hemayê, herweha daxwaza pêşkêşkirina alîkariyên mirovî ji bo bêhtir ji 700 hezar sivîlê derbider re ji rêxistinên xêrxwazî kirin.
Çalakvanan diyar kirin ku rejîm û Rûsya, bi rêya topbarana navendên sivîl û saziyên bijîşkî bi awayekî giran û bi qest, hewil didin ji bo pêkanîna fişaran ji bo neçarkirina welatiyên li cihên xwe li ser koçberkirinê, û bal kişandin ku bêtir fişar li ser şêniyên bajarên mezin dibin, weke (Mi’ret al-Ni’hman, Xanşîxon, Sraqib û Cisr al-Şixûr).
Amaje kirin ku ji ber bombebara herî dawiyê zêdetirî ji 150 malbatan ji bajarê Keferzêta bi tenê ji neçarî koçber bûn, piştî barkirina ber bi zeviyên derdora bajêr.
Li gorî daxuyaniyên ofîsa ragihandina rêveberiya tenduristiya Hemayê ya azad bi rêya platformên xwe li ser torên civakî, ku her “ji destpêka kampanyaya leşkerî ve 3 xalên bijîjkî li Hema, û 20 sazî li ldlibê hatine armanckirin” û rêveberiya tenduristiyê, civaka navdewletî û saziyên Netewên Yekbûyî bi berpirsyar dîtin di ber rawestandina bombebaranê û parastina karmendên bijîşkî û birîndaran de ji armanckirina rasterast ya bêserûber.
Li gorî hin raportên meydanî ku 63 nexweşxane û navendên bijîjkî, 27 navendên parastina sivîl, 91 navendên perwerdeyê, heşt kampên penaberan, 14 nanpêjgehên alavkar û 13 bazar, û herweha du stasyonên pakirina avê û sê stasyonên eletrîkê ji aliyê rejîmê û Rûsyayê ve hatine armanckirin.
Ku rejîm û Rûsya, bi rêya êrîşên asmanî yên berdewam li ser deverên rizgarkirî ji meha nîsanê ve, hewla derxistina aloziyan ji şêniyan re didin, bi rêya têkbirin û wêrankirina dezgehên sivîl yên girîng, di nav de stasyonên pakirina avê, û navendên Parastina Sivîl û saziyên bijîşkî.
Hevbendiya Niştimanî ya hêzên şoreş û rikberiya Sûriyê, dît ku “gelê Sûriyê rastî jenosîdê dibe, û civaka navdewletî di vê mijarê de beşdar e, bi awayekê rasterast yan jî nerasterast”.
Hevbendiyê dît ku ev beşek ji tawanên şer e, nemaze ku êrîş li ser saziyên sivîl têne pêkanîn, di nav de bazar, dibistan û nexweşxane, ligel tunebûna rola civaka navdewletî ji bo rawestandina komkujiyan, û tekez kir ku tişta diqewime “şerm e ji civaka navdewletî re.”
Jêder: Ofîsa Ragihandina Hevbendiya Niştimanî ya Sûrî
