Rêkxistinên di biwara Hawarhatina Gelê Sûrî de kar dikin û Yekîneya Hevrêza piştgiriyê û Encûmena Xwecihî bangek ji bo hawarhatinê bi rengekî lezgîn “Berî Bobelat Çêbibe” da, li himber pêlên sermaya ko tê texmînkirin li Zivistanê çêbibin çareyê bibînin. Di çar salên buhirî de bi serê Penaberên Sûrî de hat û bi sedema sermayê bi dehan zarok û jin bûn qurbanî.
Di Kongirê Rojnamevanî de îro sibehê li Istanbulê çend kesayetiyan ji wan Emîndarê giştî yê Yekîtiya Cîhanî ya Zanyarên Misilman Elî Qeredaxî û dozdarê misilmantiyê Selman Elode û serokê Dêra Ertedoks li Idlib Ibrahîm Fereh û serokê Yekîniya hevrêziya piştgiriyê Orhan Mihemed û Çalakvanê ragihandinê Hadî Elebdellah û Fermanberê Berevaniya Sivîl Raid Elsalih û Nûnerê Desteya cihanî ya hawarhatinê (insir) Hemza Elebdellah bangek dan.
Banga wan hişyarî da ko bobelata zivistana derbasbûyî dubare nebe. Dema bahoz bi ser herêmê de hat û bi dehan zarok û jin û kal û pîr di çadiran de ji dijwariya sermayê û kêmbûna alavên germkirinê û qutbûna rêyan bi sedema berfbarînê û lehiyan ko nikarîbûn alîkariyên mirovî bistînin, çi yên xwarinê û çi yên bijîşkî, jiyana xwe di encamê de jidest dan
Dr. Selman Elode doz li civaka navdewletî û Komelgehên xêrxaziyê û yên hawarhatinê kir ji bo piştgiriya Gelê Sûrî û bi taybetî derbider û penaberan bikin. Elode hişyar da ko dirêjbûna dema Şoreşê û ya qeyrana Penaberan gerek bêtir dewletên alîkar han dabana li ser hewarhatinê ne ko ji dana alîkariyan sar bibin.
Orhan Mihemed got ko Kampên Penaberên Sûrî li Bakur û Kampên Penaberên Sûrî li dewletên derdor bi hatina bahoza zivistanê ya yekem re di bin geha wêraniyê de ne. Bêtir got ko Penaber û derbider di rewşeke pir aloz de dijîn, çimkî kêmbûna alavên germkirinê û nebûna karînan, hem jî lawaziya rajeyan li Kampan metirsiyê bêtir dikin.
Mihemed destnîşan kir ko bikaranîna birçîkirin û nexweşiyê ji hêla Rêjîmê ve hat kirin û diyar kir ko Yekîneya Piştgiriyê di du salên buhirî de derbideriya 27hezar malbat di hundir de serjimar kirine û tenê di Eylûla buhirî de 25hezar malbat bi sedema bombebara Rûsî li ser malên niştecihan derbider bûne.
Her wiha Serokê Dêra Ertedoks li Idlib Ibrahîm Fereh doz li hemû Rêkxistinan kir ko komekên fişarê damezirînin ji bo piştgiriya Gelê Sûrî bikin, ber ko werzê Zivistanê bê û bobelat çêbibe. Ji bo dagirtina wê hewcedariyê hevkariya hemûyan bi hev re heye. Tekez kir ko bidawîkirina qeyrana Penaberan pêk nayê eger çareseriyeke siyasî ya dadmend neyê dîtin, ko vegera hemû Sûriyan li bajar û gundên wan dabîn bibe û rûmeta wan bête parastin
Çalakvanê Ragihandinê Hadî Elebdellah bang li hemû Rêkxistin û Dewletên Erebî kir ko pêşinde amadekariyên xwe ji bo bobelatê bikin da alîkariya Penaberên Sûrî bikin. Got ko derbeyên Rûsya çi bandor li aniyên şer nekirine û hêzên Rêjîmê buhistekê tenê jî bi pêş ve nehatine lê agirê wan 80% sivîl û cihên rajeyên giştî û yên tenduristî amanc kirine.
.
Elebdellah doz kir ko fişar li desthilata Libnanî bibe da destê Hizbullaha tirorist ji tawankariyên cengî di derheqê Penaberên Sûrî de bibire. Destnîşan kir ko hinek Penaberên Jin yên Sûrî li Libnanê di çend rojên buhirî de hatine revandin.
Fermanberê Berevaniya Sivîl li Sûriyê Raid Elsalih got bobelatê destpê kir gava doh Kampa Xirbet Elcoz li Gundewarê Idlib di bin ava barana pir de ma. Diyar kir ko êrîşên Rûsya qeyran mezintir kir. Elsalih diyar kir ko ewê bi hemû Rêkxistinên hawarhatinê re kar bikin ji bo li himber bahozan hevrêziyê bikin.
Jêder: Hevbendî
