Nûnera taybet a Serokwezîrê Birîtanî bo Karûbarên Qedexekirina Destdirêjiya Sêksî Coys Anlay li ser rawestana tundiyê li Sûryayê û bi taybet dijî jinê tekez kir, û got ev yek bê rahiştina sedemên wê ku di hebûna rejîma Esed de ne nabe.
Di hevdîtinekê bi hejmarek ji endamên Hevbendiya Niştimanî Bo Hêzên Şoreşê û Hevrikiya Sûrî li wargehê Emaneta Giştî li Istenbolê Anlay diyar kir ku beşê herî ziyan ji ber şerê rejîma Esed li ser miletê Sûrî jin in, û dûv re zarok in.
Cîgira Serokê Hevbendiyê Nexem El – Xadirî diyar kir ku avakirina aştiyê û rawestana tundiyê bi rawestana tundiya dijî jinê û parastina rûmeta wê ve girêdayî ye, herweha bi lezkirina di operasyona siyasî û derîna Esed û komeka wî a fermandar ji Sûryayê ve jî girêdayî ye.
El – Xadirî destnîşan kir ku zindanên rejîma Esed gelek girtiyên jin tê de hene, û ji ber doza wan ji azadî û rûmetê re rastî işkence û destdirêjiya sêksî ya kotekî tên.
Toreya Sûrî ya Mafê Mirovan di raporeke berî niha de got: bêtir ji 2850 jinî li gel saloxgerên Esed desteserkirî ne, 120 keç ji wan temenê wan kêmî 18 salan e, û toreyê tekez kir ku bi kêmanî 19 jinan ji ber işkencê jiyana xwe ji dest dane.
Herweha gelek wêne û perçeyên Vîdyo yên ji zindanên rejîma Esed derketine tundiya dijî jinê û mirina wan di bin işkencê de diyar dikin, ji wan jî wêneyên efserê Sûrî ê cudabûyî “Qeyser” ku derdora 55 hezar wêneyî ji 11 hezar girtî re belav kirin, û di nav wan de jî wêneya şehîd Rihab El – Elawî bû.
Jêder: Hevbendî
