Di nûtirîn raporta xwe de Rêxistina “pizîşkên bêsînor” kuştina 35 pizîşk û karmend û nexweşan û birîndarkirina 72 kesên din her ji destpêka encamdana êrîşên Rûsiya li ser Sûriyê di 30 êlîna bûrî de û heta niha tekez kir.
Rêxistinê got ku 12 nexweşxane li parêzgehên Heleb û Idlib û Hemayê rastî êrîşên esmanî hatine, ji wan 6 nexweşxanyên pizîşkên bêsînor in, ku ev êrîş bûne sedema pêleka koçbariya bihezaran sivîlên Sûriyê.
Di dema ku balafirirên Rûsî beyaniya îro tek-nexweşxaneya meydanî li bajarê Dûmayê ya bi ser Nivîsgeha Tenduristî Ya Yekbûyî armanc kir, û di encamê de pêtir ji 10 kesan şehîd ketin û bidehan birîndar bûn wek jimareke destpêkî.
Dr.Cewad Ebû Heteb endamê Hevbendiya Niştimanî ji yên di hindur Sûriyê de got ku gelek caran ji neçarî pizîşk û karmand daxwaza valakirina nexweşxaneyan dikin bi sedema metirsiya êrîşên firokên Rûsiya li ser wan, nemaze ku niha xwe amade dikin ji bona bombebarankirina navçeyê.
Dr. Cewad pisporê neştergeriya dil her weha got ku ew rastî zehmetiyên mezin tên di dema encamdana niştergeriyan de ku hevdem êrîşên Rûsiya jiyana sivîlên navçeyê bidawî dikin.
Hêjayî gotinê ye ku hin naxweşxane û navendên pizîşkî rewşa awarte ragihandibûn piştî êrîşên firokên Rûsiya li ser nexweşxaneyên Elyemdiyê û Îxlas û Bernas li gundewarê Laziqiyê, hevdem ligel bombebarankirina naxweşxaneya Elletaminê tevlî karmend û pizîşk û nexweşên wê û armanckirina navendeke vaksîndana zarokan li gundê Eltiman’a li gundewarê Idlibê.
Ji aliyê xwe ve endamê desteya giştî ya Hevbendiya Niştimanî û serokê Encûmena şaredariya bajarê Heleba azad Ȗsama Telco daxwaz ji heryek ji Netewên Yekgirtî û ji Rêxistina Saxlemiya Navdewletî kir bi destêwerdana bilez ji bona qedexekirina armanckirina nexweşxane û tîmên nojdarî ji aliyê Firokên Rûsiya, û bal kişand ku niha ji encamê bombebarankirina nexweşxaneyên meydanî ji aliyê firokên Rûsiya hêç naxweşxaneyek nîne li gundwarê başûrê Helebê ku heye bibe hokarê derketina bobilateka saxlemiyê di wê navçeyê de.
Jêder:Hevbendî
