Ji encama êrîşên leşkerî yên firokên Rûsya û yên Rêjîma Esed li ser bajar û bajarokên Sûriyê ji sêşema darbasbûyî ve, 545 kes ji nav wan 84 zarok û 35 jin şehîd ketine.
Li gora serjimara Nivîsgeha Ragihandinê ya Hevbendiya Niştimanî ya Hêzên Şoreşê û Rikberiya Sûriyê, rêjeya qurbaniyan li Helebê bi tenê 69% ji qurbaniyên giştî ye, û hejmara şehîdan li wir gihaye 374 şehîdî.
Rûsya û Rêjîma Esed di êrîşên xwe de lidijî sivîl û avahiyan li Helebê, Idlib, Hums û Xûta Şamê ya rojhilat ev şeş roj berdewam in. Birêveberiya tendiristiya Helebê ragihand ko hemû nexweşxane li taxên dorpêçkirî ji xizmetê derketine, û di daxuyaniyekê de got:ʺem nema dikarin pêdiviyên sivîlên dorpêçkirî ko hejmara wan 300hezar niştecih in bicih bîninˮ.
Çalakvanan gotin ko 67 kes şehîd ketin û bidehan birîndar bûne, ji encama bombebarana firokên Rûsya û Esed doh yekşembê ko taxên Helebê û gundewarê wê amanc kirine. Diyar kirin ko bi sedema bombebaranê li ser taxên Elsaxpr, Elşeear, Taxa Cebel Bedir, Taxa Erd Elhemra, Seyf Eldewle û Kerem Elcebel kuştar çêbûne, her wiha ji sêşemba derbasbûyî de hêzên Esed bi mûşekên germahiyê bajarokê Beyanûn li gundewarê Helebê amanc kir, di encamê de du kes şehîd ketin.
Berevaniya sivîl got ko du navendên bi ser wan ve bi sedema amanckirina wan ji hêla firokên Rûsî û ên Perwane yên Esed ku taxa Henano li Heleba dorpêçkirî û bajarokê Ewrim Elkubra li gundewarê Helebê ji xizmetê derketin.
Rêkxistina Bijîşkên Bêsînor tekez kir ko êrîşên leşkerî nexweşxana zarokan û nexweşxaneke taybet bi neştergeriyê li bajarê Helebê wêran kirin. Ji destpêka sala 2016an 130 nexweşxane hatine amanc kirin.
Birêveberiya perwerdeyê ya bajarê Idlib agahdariyek belav kiriye tê de ragihandiye ko dê ji roja duşembê heta dawiya Hefteyê dibistanên fermî û yên taybet ji kar birawestin, diyar kirin ko ew jî ji ber operasiyona leşkerî ya tund li ser parêgehê çêbûye.
Her wiha çalakvanan ji bajarê Idlibê anîn ziman li bajarokê Kilî li gundewarê Îdlibê doh bi encama firokên Rûsî bi çend mûşekan taxên bajêr amanc kirine 5 kes şehîd ketine û bi dehan birîndar bûne.
Topbarana ji hêla hêzên Rêjîmê doh nehişt karwanê alîkariyên mirovî yên bi ser Netewên Yekbûyî ve ko berê wan li bajarê Resten bûn li gundewarê Hund yê bakur bigihên. Her wiha bajarokê Elxitno û Telbîsê û Elseen Eleswed û Elzaferana topbaran bûn û di encamê de li gora ko çalakvanan anîne ziman çend sivîl şehîd û birîndar ketine.
Jêder: Nivîsgeha Ragihandinê ya Hevbendiya Niştimanî Sûrî
