Firokên rêjîma Esed carek din li berbeyaniya îro bazara şînî ya bajarokê Qebasîn li gundewarê bajarê Babê bi du bermîlên teqîner armanc kir, ku di amareka destpêkî de bû egerê kuştina 3 sivîlan û bi dehan birîndarên din.
Ev êrîş çêbû piştî komelkujiya duhî li bajarê Babê pêk hat ku têde 90 kes şehîd û birîndar ketin, ku firokên Esed duhî 8 bermîlên teqîner avêtin li ser heryek ji dibistana pîşesazî û baxçê mizgefta Omer û li nêzîk nexweşxaneya Elcebel û bazara Mazotê li Babê, ku 35 kes şehîd ketin û nêzîkî 50 kesî bîrndar bûn, piraniya wan jin û zarok bûn, têzanîn ku di maweyê sê ojên bûrî de Bajarê Babê rastî gelek êrîşên bi bermîlên teqîner hat, ligor belgeyên aliyên pizîşkî yên xwecihî ev êrîş bûn sedema şehîdbûna bêhtir ji 75 kesan û çêbûna bidehên birîndaran.
Hêjayî gotinê ye ku Hevbendiya Niştimanî daxwaza bizavek kartêker kir ji Hevpeymaniyê û Civaka Navdewletî ji bona “jikarxistina karîna firokên Esed ji avêtina bermîlên teqîner li ser serê sivîlan bi rêka qedexekirina êrîşên esmanî û sepandina navçeyên dijfirînê li bakur û başûrê Sûriyê –heta bi şêweyekî beşekî be jî-; ku ew navçe bibin penagehên tenah bo jin û zarokan, heta ku şer li dijî rêjîmê yekalî bibe ,ew rijêma dijî milet û daxwazên azadî û rûmetê terora dewletê bikar tîne”.
Herwiha Berdevkê Hevbendiyê Salim Elmislit amaje bi wê yekê kir ku rêjîma Esed bombebarankirina bi firokên şer û mûşekan û bermîlên teqîner pir kiriye li hember pêşdeçûnên şoreşgeran li Der’a û Zebedanê û têkşikestina hêzên wê û mîleşeyên hevalbendên wê li ser eniyên şer, ku hêzên rêjîmê navendên sivîlan li taxên bajarê Der’a û gund û bajarokên wê armanc dike, ku dibin sedemên pêkanîna kuştarên rojane di derheqê sivîlan de.
Jêder:Hevbendî