Li dora 823 kesan hatine kuştin, piştî derbasbûna mehekê di ser peymana agirbes re, ya di 31.12.2016an bi garantiya Rûsya û Tirkiyê bû, û 319 kes ji wan ji herêmên peymanê ne.
Li gora serjimara ko nivîsgeha ragihandinê ya Hevbendiya Niştimanî ya Hêzên Şoreşê û Rikberiya Sûriyê îro sêşembê amade kiriye, hêzên rêjîmê peymana agirbestê 911 caran binpê kiriye, û herêmên niştecihan û hêlên şer yên bi Artêşa Sûrî ya azad re amanc kirine, û hêzên Beşar û milîtanên bi ser Îranê ve, ji nav wan jî Hizbulaha tirorist, 114 caran binpêkirin kirine, her weha milîtanan 11 caran peyman binpê kirine, bajarokên Medaya, Beqîn û herêma Zebedanî li gundewarê Şamê amanc kirine.
Serjimarê diyar kiriye ko Rûsya , ya ku aliyek dabînkere, 72 caran peyman binpê kiriye, û bajarok li gundewarê Helebê û Hema û Idlibê bombebaran kirine, û piraniya binpêkirinan li 5 parêzgehên sereke bûne “Gundewarê Şamê, Heleb, Hema, Dera û Hums” di pey re û hinekî kêmtir “Idlib, Şam, Quneytira û Laziqiyê” bombebaran kirine.
Giringtirîn binpêkirin li herêma Wadî Bereda bû, ku bi operasiyonekî leşkerî yê pir giran, hişt niştecihên herêmê ber bi Idlib ve biçin, û Hevbendiya Niştimanê vê yekê dibêne ko operasiyonên koçkirina kotekî ne, û amanc jê guhertina dîmugrafî ye.
Di encamên bipêkirinan de kaniya Eyn Elfîce ya ko jêdera avê ya yekem e ji Şamê û gundewarê wê re amanc kirin, û av ji ser 5.5 milyon xelk ,li gora serjimara Netewên Yek Bûyî, hate birrîn.
Jêder: Nivîsgeha Ragihandinê ya Hevbendiya Niştimanî