Endama Desteya Siyasî ya Hevbendiya Niştimanî ya Sûrî Salwa Aksoy, da zanîn ku xwespartina bijardeya leşkerî ji hêla rijêma Esed ve li şûna bersivdana daxwazên xelkê, ne kiryareke vê kêliyê ye, lêbelê ew bi rêbaz û siyaseta rijêma Esed ve girêdayî ye, ya ku li ser bingeha darê zorê ava bûye.
Û Aksoy got ku wêneyên zarokên ji aliyê endamên rijêmê ve dihatin rahênankirin li gundewarê Siwêdayê, li şûna ku di dibistanan bin, ên ku çalakvanan belav kirine, bi awayekî eşkere nîşan didin ku ev rijêm zarokan tenê wek alav ji bo berevaniya di ber mana xwe de dibîne.
Û Aksoy got ku ev dîmen nîşana mejiyê rijêmeke stemkar e, ya ku xema wê ya herî dawiyê aştî û ewlehî û pêşeroja zarokan e, lêbelê leşkerkirina civakê armanca wê ya sereke ye, ji bo ku hebûna wê li ser desthilatê bidome, û bal kişand ser ku haya hikûmetên dewletên cîhanê ji tiştê ku dibe heye.
Û Aksoy amaje bi wê yekê kir ku dezgehên ewlekarî û leşkerî yên rijêmê zarokan fêrî bikaranîna çekan dikin, û wan li ser çekan perwerde dikin, ne ji ber miqatebûna rijêmê li bihêzkirina çanda berevaniyê li bal wan zarokan da ku xwe biparêzin e, lêbelê armanca wê ya sereke ew e çesipandina çanda tundî û serdestiyê li bal wan ji zaroktî ve.
Tê zanînîn ku berî du rojan malpera Elsiwêda24 wêneyên zarokin biçûk li bajarokê Ura li gundewarê rojavayê Siweydayê belav kiribûn, têde zarok li ser çawaniya bikaranîn û vekirin û bihevxistina çekan ji aliyê tabûrên Baas yên leşkerî ve baskê partiya “desthilatdar” li Sûriyê dihatin perwerdekirin, û rexneyên tund ji hêla xelkê parêzgehê ve li wan dihatin kirin.
Jêder: Ofîsa Ragihandinê ya Hevbendiya Niştimanî ya Sûrî
