Endama Desteya Siyasî ya Hevbendiya Niştimanî, Seroka Komîta Niştimanî ya Sûrî bo Winda û Girtiyan, Salwa Aksoy, tekez kir ku divê raporên navdewletî yên berdewam ên ku rijêma Esed bi tawanên cengê, di nav de îşkencekirina hovane û tawanên komî di zindanên wê de, şermezar dikin, di rêya kartêkerkirina pirensîba dadpirsîn û sizakirinê re bên piştgirîkirin.
Û Aksoy xweşhaliya xwe anî ziman bi rapora dawîn ya Komîteya Lêpirsînê ya Serbixwe ya derbarê îşkenceyê li Sûriyê, ya ku têde “tiştê tekezkirî piştrast kiriye”, li gor derbirîna wê, û bal kişand ser ku çespandina tawanên îşkenceya hovane û kuştina komî di girtîgehên rijêmê de, êdî nema bi armanca çesipandinê ye, bi qasî armanca wan belgekirina mafên qurbaniyên rijêma Esed e.
Tê zanîn ku Komîteya Lêpirsînê ya Serbixwe ya derbarê Sûriyê, raporek bi sernavê “Çi dawîhatina diyar tune ye” belav kir, û têde qonaxa ji 1ê heyva çilê paşî ya 2020an heta 30ê nîsana 2023an romal dike, û berdewamiya operasyonên îşkenceyê û danûstandina xirab û binçavkirina kotekî di zîndanên Esed de belge kirine.
Û Rapora ku duh Çarşemê derketiye, xwe sipartiye ser 254 hevpeyvînên ku di heyama bûrî de hatine pêkanîn, û tevaya wan dîdevanan ji zindanên rijêmê rizgar bûne, û di hevpeyvînan de li ser kiryarên curbicur ên îşkencekirinê yên ku dijî wan pêk hatine da ku wan neçar bikin ku hemû tiştî mukur werin, û ew ji cîhana derve cuda dikirin û nedihiştin ku ew bi malbatên xwe re têkiliyê bikin, axivîn.
Û raporê diyar kir ku di nav operasyonên îşkenceyê de, helawîstina ji lingan ve an ji ling û destan ve bo demeke dirêj (ya bi navê Şebeh tê naskirin), û tewandin û xistina ling û serî di hundurê dolabên otombêlan de hebû, her wiha lêdana bi tundî ya hemû aliyên laş bi xertûm û têlan û amûrin dîtir û danîna elktrîkê bi laş ve re.
Û Rapor li ser “rewşên nemirovane” yên binçavkirinê di girtîgehên rijêmê de di dema tengbûna cih ji ber hejmara mezin di heman zindanê de, û kêmbûna xwarin û avê û belavbûna nexweşiyan, û gotin ku hin girtî di wan zindanan de dimirin, ji ber dijwariya rewşê û kêmbûna guhdana tendurustî di zindanan de.
Jêder: Ofîsa Ragihandinê ya Hevbendiya Niştimanî ya Sûrî
