Sibeha îro Înê li bajarê Rihayê yê Tirkiyê, civîneke berfireh a xebatê ya ji aliyê Rêveberiya Jinên Sûriyê ve bi hevkariya Yekîneya Piştevaniya Aramiyê û bi amadebûna hevrêzkarên Girûpa Kar a Sendîka û Federasyonan, Girûpa Kar a Cizîrê û Firat, Girûpa Karûbarên Yasayî, Girûpa Kar a Penaber û Derbideran û Girûpa Kar a Rêxistinên Civaka Sivîl yên girêdayî Hevbendiya Niştimanî ya Sûrî li dar ket.
Ev komxebat di çarçoveya xebatên Desteya Jinan a Sûriyê de tê, ji bo berfirehkirin û zêdekirina beşdariya jinên Sûriyê di karûbarên giştî û bi taybetî di karê siyasî de. Bi riya aktîvkirina rola jinên Sûriyê û beşdarkirina wan di karên girûpên xebatê yên Hevbendiyê de. Û bi vê yekê beşdariya jinên Sûriyê di prosesên biryardanê yên di nava Hevbendiyê û girûpên wê yên kar û pêvajoya siyasî de zêde dibe.
Cîgira Serokê Hevbendiya Niştimanî û çavdêra karê Desteya Jinên Sûriyê, Dîma Mûsa, tekez kir ku ev civîn dibe alîkar ji bo bicihanîna armancên Desteya Jinên Sûriyê û Hevbendiya Niştimanî ya Sûrî, bi rêya berfirehkirina beşê civakê yê ku ew dixwazin bigihêjinê, ji bo hebûna jinên Sûrî di karûbarên giştî de, bi taybetî di proseya siyasî û xebata li ser asta navxweyî û herêmî de berfirehtir be.
Mûsa bal kişand ser wê yekê ku avakirina Desteya Jinên Sûriyê, ji ber nebûna hejmara jinên Sûriyê ya tê xwestin di nava Hevbendiya Niştimanî ya Sûriyê de hat, û da zanîn ku avakirina Desteyê dibe alîkar ji bo berfirehkirina beşdariya jinên Sûriyê di nava Hevbendiya Niştimanî de, û çareserkirina kêmbûna hejmara nûnertiya jinan. Û bal kişand ser ku bêguman ev yek têra hebûna jinan di hemû desteyên siyasî de nake û mafê wan ê gihiştina cihên biryardanê bi temamî bicî nayine .
Mûsa diyar kir ku qonaxa yekem a destpêkirina Desteya Jinê ya Sûriyê, giringî da perwerdekirin û danasîna karê siyasî, derketina pêş medyayê, û pisporiyên din ên pêwendîdar. Û niha kar ber bi bihêzkirinê ve çûye, bi rêyên pratîk û têkiliya rasterast bi Hevbendiya Niştimanî ya Sûriyê re û tevlêbûna kar di nava komîteyên Hevbendiyê û girûpên wê yên xebatê de, ji bo gihandina dengê jinan û vekirina rê li ber tevlkirina hejmarek ji wan di nava refên Hevbendiya Niştimanî ya Sûriyê de.
Jêder: Ofîsa Ragihandinê ya Hevbendiya Niştimanî Sûrî
Desteya Jinê
Desteya Siyasî
