Sekreterê Desteya Siyasî ya Hevbendiya Niştimanî ya hêzên şoreşê û rikberiya Sûriyê, Riyad Al-Hesen, pesnê pêgava Argentina ya ji bo danasîna Hizbullaha Libnanê weke rêxistineke terorîst da, û da zanîn ku guvaşên navdewletî li ser Hizbullah û binbirkirina baskên wê li cîhanê, dibe fakterek ji bo tawanên wê û Îranê û bandora wan li ser asayîş û aramiya herêmê û bi taybetî li Sûriyê sivik bike.
Al-Hesen îro di daxuyaniyeke taybet de got ku ragihandina rayedarên Arjantînî ya ji bo bilokkirina pereyên Hizbullaha Libnanê û tevlîkirina wê di nav lîsteya rêxistinên terorîst de; piştrast dike ku ev milîsên terorîst gef in li ser aştî û ewlekarîya navnetewî, û bang li welatên din jî kir ji bo standina heman pêgavan ji bo binbirkirina çavkaniyên aboriya Hizbullah.
Al-Hesen dît ku ev biryara pêşniyara rawestandina çalakiyên aborî yên Hizbullah li herêma sînorî ya di navbera Arjantîn, Brezîlya û Paraguay de, dê Hizbullah têxe di çembereke girtî û pirsgirêkên aborî yên mezin de, bi taybetî jî di rewşa niha de dema dorpêça aborî ya Amerîkayê li dijî Îranê heye, Îran a weke yekemîn piştevanê tevaya milîsên terorîstî li herêmê tê naskirin.
Al-Hesen got: “Em bendewar in ku operasyon û çalakiyên Hizbullah di rojên pêş de kêm bibin, ku bi awayekî negatîf dê bandorê li projeya terorîstî ya Hizbullah û Îranê bike”.
Al-Hesen got : Em hêvîdar in pêgava Arjantîn bibe destpêkek rasteqîn ji bo tengasîkirina tevaya çalakiyên aborî û darayî yên Hizbullah di nav parzemînan de, wek Afrîkya, Amerîkayalatînî û Asyayê, û piraniya çalakiyên wê di nava parzemînan de, û karên wê bi tewankarî dan zanîn, yên şûştina pere û qaçaxya kerestên hoşbir jî li di nav de hene.
Serokê Arjantînê, “Mauricio Macri” di hevpeyvînekê de li gel kenala CNN ya Amerîkayê ya bi zimanê Ispanî, piştrast kir ku ew dê gavan bavêjin ji bo danezana milîsên Hizbullah weke rêxistineke terorîst, herweha ku rêveberiya agahiyên aborî fermanek derxist ji bo bilokkirina pere û sermaya Hizbullah û endamên wê, piştî rojekê, ji danîna lîsteyeka nû ya li welêt ya sazîyên têkildarî terorîzmê.
Rêvebera agahiyên darayî ya hikûmeta Arjantînê di daxuyaniyekê de got ku “niha, hêjî Hizbullah dibe gef li ser asayîş û ewlehiya sîstema aborî û darayî ya Komara Arjantîn”.
Hêjayê gotinê ye ku berî niha ji aliyê wezareta darayî ya Amerîkî, sizayên aborî li ser du parlamenter û fermandarên asayişa Hizbullaha Libnanê hatibûn sepandin, û hesabê wan yên di bankên Libnanî de ji aliyê wezaretê hatibû girtin, ku ji bo çekdarên Hizbullah, bi taybetî jî ji karsazên li Bakurê Afrîka, ku ji bo piştgiriya “Hizbullah” dihatin veguhestin, û bankeka Libnanê li Kanada li sala 2011’an hate girtin, piştî eşketebûna kiryarên şûştina peran ji bo bercewendiya Hizbullah.
Jêder: Ofisa Ragihandina Hevbendiya Niştimanî /Wekalat
