Duhî ji aliyê Encûmena Xwecihiya bajarê Babê li bakurê Helebê, û bi beşdariya hejmareke mezin ji sembolên şoreşa Sûriyê û nûnerên hêzên çekdar û saziyên sivîl, çalakiyeke sivîl lidar ket ji bo piştgiriya xweragiriya şervanên li deverên bakurê Sûriyê yên ji aliyê hêzên Esed û Rûsya têne topbarankirin.
Çalakî bi sernavê “festivala cemaweriya ji bo piştgiriya şervanên li eniyên deşta Hema û Idlibê”, û di festivalê de beşên cuda yên pêşkêşkirinê hebûn, ligel hin helbestên şoreşgerî û gotaran li ser piştrastkirina pêşkêşkirina hemû cûreyên piştevaniya derûnî ji aliyê xelkê deverê ji bo şervanên li eniyên şer.
Beşdarbûyan bi sloganên şoreşa Sûriyê û dirûşma “Gel ruxandina rejîmê dixwaze “, dakokî li ser pêwîstiya bizavên yekîtiya hêzên artêşa azad ya Sûriyê kirin, ji bo rûbirûbûna artêşa dagîrker ya rejîma Esed û hevalbendên wê.
Herweha beşdarbûyan dupatî li ser xurtkirina peywendiyên hezkirina di navbera xelkê Sûriyê de kirin, bi taybetî di bin şert û mercên niha de, û bal kişandin li ser girîngiya hevahengiya di navbera welatiyan û şervanan de.
Li gorî hin beşdarên Komeleya derbiderên başûr, du armancên festivalê hebûn, yek jê alîkarî û piştgiriya koçber û hemwelatiyên deverên rizgarkirî yên şer ji bo parastina rûmeta xelkê Sûriyê dikin e, û ya duyem ji bo veguhastina wêneyekê li ser bûyerên li ser eniyên şer diqewimin û diyarkirina rastiya xweragiriya şervanan ji bo xelkê derbider û niştecîhên li deverên Mertala Feratê.
Ev festival hat ji bo piştgiriya şervanên li ser hêlên şer, di dema ku kampanyeke leşkerî ya dijwar ji aliyê hêzên rejîma Esed bi piştgiriya balafirên Rûsya li ser başûrê Idlib û deverên deşta bakur û rojavayê Hemayê heye, her ji 26’ê nîsana borî ve, ku bûye sedema kuştina bi sedan û koçberbûna bi sedhezaran.
Jêder: Ofisa Ragihandina Hevbendiya Niştimanî
