Serokê Hevbendiya niştimanî ya Hêzên Şoreş û Rikberiya Sûriyê Enes Al’ebda, nameyek arasteyî Rêjîma Meleyên Îranê kir, têde ji wan re got; divê hûn ji rêya xwe ya niha we bi dînbûn daye ser, ya berê we dide têkçûnê vegerin, û têkevin wê baweriyê de ku gelê Sûriyê dixwaze çarenûsa xwe û bijartina serkirdayetiya xwe bi xwe bike,û tekez kir ku ” rêjîma Esed berê wê bi nemanê de ye, û dawî milet bi ser dikevin, û eger serkirdayetiyên Tehranê di vî tiştî negihêjin, wê çarenûsa wan jî wek ya beşar Esed be, ya ku wê wek ya Qezafî û Şahê Îranê û yên wek wan be.
Û di hevdîtinê de li gel rojnameya riyad ya Siûdî, Abda tekezî kir ku ferzkirina agirbesteke rastyeqîne û giştî, bi asta fişara navdewletî ya rastî ve girêdayî ye, ji bo dîtina çareyeke berdewam ya derdeseriya gelê Sûriyê bidawî bike, û got” ev sistiya agirbestê ne tenê ji ber binpkirinên Esed e, lê ev sistî pirtir dibe ji ber helwestên navdewletî yên nerm”.
Û bal kişand li ser giringiya çêkirina viyaneke navdewletî ya rastyeqîne ya karibe agirbestê ferz bike, û garantiya pabendbûna rêjîmê û haevalbendê wê pê hebe, bi danîna mîkanîzmên diyar û birasî ji bo sizakirina aliyê berpirsyar diber binpêkirina Agirbestê, û her weha bal kişand ser giringiya danîna pilanên berdêl eger ew Agirbest têk biçe, ji bo girtina deriyên ku Rêjîm wan derfet dibîne ji xwe re, û diyar kir ku niha rêjîm zane ku eger Agirbest têk biçe, tu sînaryoyên din yên pêşkêşkirî tune ne , ji lewra ew bombebarankirina sivîlan pirtir dike.
Û tekezî kir ku Rikberiya Sûriyê neketiye û nakeve goftûgoyekê bi rêjîma Esed re, lê ew ketiye piroseseke siyasî ku armanca wê ya sereke pêkanîna veguhestina Siyasî ye, di riya çareseriyeke siyasî ya adilane re, û da xuyakirin ku Opozisyona sûriyê hemî rêyên berdest bikar anîne, lê ne bi berdana daxwazên şoreşê yên rewa, û nejî bi erzankirina xwîna gelê Sûriyê.
Û Serokê Hevbendiyê helwesta Erebistana Siûdî ya piştgir ji gelê Sûriyê re ji bo bidestanîna mafê xwe yê rêjîma esed ya stemkar ew talan kiriye bilind nirxand, û amaje kir ku Erebistana Siûdî û ji destpêka Şoreşa Sûrî de, û alozbûna rewşa navdewletî û herêmî, berdewam bû di rola xwe ya tewerî de di piştgiriya gelê sûriyê de, di dema ku guhertinên siyasî û navdewletî yên bilez di doseya sûriyê de çêdibin, û hevsengiyên nû li cîhanê û herêmê derdikevin.
Jêder: Hevbendî