Mezinê danustandkarên şanda şoreşa sûriyê, Mihemed Alûş, tekez kir ku tişta serokê şanda rêjîma Esed Beşar Elce’iferî gotiye bitenê “tewşe-gotin in, ji ber baredoxên dijwar yên siyasî û leşkerî û diblomasî yên rêjîm tê re derbas dibe”, û got: ” ez gotina xwe tekez dikim, ku Qonaxa Veguhêz wê bi çûna Bişar Esed yan bi kuştina wî yan piştî dadgehkirina wî destpê bike “.
Li ser gotina Elce’iferî ku Alûş kesekî “terorîst e” binav kiriye, û ew endamê wê rêxistinê ye ya “Kolîca Endazyariya Avahîsaziyê” li Şamê bombebaran kiriye, Alûş got: “em berevaniya gelê xwe dikin, li hember rêjîmekê ku wî dikuje û ew aware û koçber kiriye, em sivîlan diparêzin û wan bombebaran nakin, em baweriyê bi çareseriya siyasî tînin û hewl didin ku dawiyê li xwînrijandinê bînin, lewra em niha li Jinêv in, û li ser babetê bombebarankirina Kolîja Endezariya Avahîsaziyê, hatiye dupatkirin ku top ji aliyê çiyayê Qasiyûn hatine, û her wek her kes dizane, ew rex di bin kontrola rêjîmê de ye”.
Herwiha li ser pirsekê der bare gelo ew qebûl dike destê xwe bide yê Beşar Elce’iferî got: ” Ez amade me danustandinan ligel wî bikim, lê ez ne amade me ku destê xwe bidim yê wî berî ku emze bike li ser çûna Bişar Esed”.
Hêjayê gotinê ye ku duhî roja çarşemê 16 adara 2016an, Elce’iferî li Jinêvê û di kongerekî rojnamevanî de gotibû ku ew “destê silavê nade yê mezine danustandinkarên opozisyonê berî ku lêborînê bixwaze der barê gotina xwe ku dibêje: qonaxa veguhêz wê piştî çûn yan mirina Bişar Esed destpê bike, herwiha heta riha xwe kur neke”.
Jêder: Hevbendî + Smrat
