Îro tabûrên artêşa azad û di çarçoveya oparesyonên Mertala Feratê de, karîn çiyayê Aqîl û nexweşxaneya Elhikma li rojavayê bajarê Babê li gundewarê rojhilatê Helebê ji dest rêxistina DAIŞ ya terorîst rizgar bikin.
Û çalakvanan gotin ku riya serekî di navbera bajarê Bab û Helebê de ji aliyê tabûrên artêşa azad hat kontirolkirin, piştî oparesyona îro ya bi piştgiriya firok û topxaneya Tirkiyê, ku rêxistina DAIŞ ya terorîst ji du tewerên bakur û başûr ve hat dorpêçkirin, û tekez kirin ku çiyayê Aqîl û nexweşxaneya Hikmê ji aliyê şoreşgeran ve hatine kontrolkirin, û şoreşger bi awayekî fermî ji aliyê rojava derbas bûne li nav bajarê Babê.
Û giringiya çiyayê Aqîl tê ji ber ku ew raserî piraniya taxên bajêr e , û wê rê li çûn û hatina çeteyên DAIŞê di hindurê bajêr de bigire, û herwiha giringiya kontrolkirina Babê ji ber wê yekê ye ku rê li pêşiya milîsên PYDê digire, û nema karin zalgeha xwe li bakurê Sûriyê berfereh bikin.
Hêjayê gotinê ye ku artêşa azad û bi piştgiriya artêşa Tirkiyê her ji destpêkirina oparesyona mertala Feratê di 24 tîrmeha bûrî de, karîne zêdetir ji 217 navçeyên nişteciyan kontrol bikin û bi dehan çekarê DAIŞê jî têde hatine kuştin.
Û bajarê Babê 30 K.M an dûrî sînorê Tirkiyê ye, û nêzîkî 200 hezar kesî têde dijîn û her ji 14 çileyê paşîn 2014 an ji aliyê DAIŞ ve hatibû dagîrkirin.
Jêder: Nivîsîngeha Ragihandina Hevbendiya Niştimaniya Sûriyê
