Zanyarên Ola Îslamî daxwaz kirin ko giring e Umet hevgirtî be û rewşa jihevketin û parçebûnê bidawî bibe, ji bo pêkanîna serkeftinê li Helebê ya ko derdê zordariya rêjîma Esed û hevalbendên wê dibîne. Ev gotin di başdarbûna wan de li simînera bi navûnîşanê “Heleb Miletek Li Pişta Wê Ye” li bajarê Istanbula Tirkî kirin.
Birêveberên çalakiyê destnîşan kirin ko giring e rola cemawerî û ya hawarhatinê ya dewletên Îslamî ji bo bajarê Helebê aktîv bibe, bi sedema tiştên ko bajar û niştecihên wî yên bêguneh li ser destê hêzên Esed û hevalbendên wê dibînin.
Emîndarê giştî yê Yekîtiya Cîhanî Ya Zanyarên Milsilmanan Elî Qeredaxî di gotara xwe de got: “cîhan tevde li ser Sûriyê kom bûne, wek Rûsya û Îran û Milîtanên mezhebperest yên din, lê mizgîniya serkeftinê di demên bên de da, bi mercê ku yekîtî pêk were.”
Di heman mijarê de Komîta cîbicîkirinê wê sibe pêncşembê li ser asta wezîrên derve civîneke awarte bi endametiyeke vekirî lidar bixînin, ya ko dewleta Kiwêt daxwaza wê kiriye ji bo rewşa bobelat ya bajarê Heleba Sûrî gotûbêj bikin, civîn dê li bargehê Rêkxistina Hevkariya Îslamî li bajarê Cede rojavayê Siûdiyê çêbibe.
Rêkxistinê di daxuyaniyekê de doh sêşembê got: civîn di çarçoveya bizavên berdewam ên Rêkxistina Hevkariya Îslamî de ye, ji bo rawestandina operasiyonên kuştin û qirkirina komel ya ko miletê Sûrî ji aliyê rêjîma Şamê ji şeş salan ve dibîne, û ji bo çareseriyeke siyasî li Sûriyê li gora daxuyaniya Cinêv1.
Encûmena Komkara Erebî doh kirdeyên ko Rêjîma Esed û Rûsya û milîtanên tirorist yên ko bi ser Îranê ve, yên bûne sedema zehmetkêşî û derdeseriya sivîlên Helebê, û dixwazin pê niştecihên wê ji kok ve hilkin red û pirotesto kir.
Hevbendiya Niştimanî ya Hêzên Şoreşê û Rikberiya Sûriyê, daxwaz ji civaka navdewletî kir ku bombebarana bêserûber li ser sivîlan rawestînin, û sivîlên bêguneh biparêzin, û dorpêçê ji bajar û bajarokên Sûriyê rakin. Her weha Hevbendiyê tekez kir ko bawerî bi sozên Îranê û nêtên wê nayê , û bal kêşand ser ko milîtanên tirorist yên bi ser Îranê ve, bêtir ji carekê peymana derkirina niştecihên Helebê binpê kirine, çimkî ew hêj li ser çareserkirina leşkerî sûr e û çi çareseriyên din yên ko miletê Sûrî ji rêjîmê û milîtanên wê rizgar bike naxwaze.
Jêder: Nivîsgeha Ragihandinê ya Hevbendiya Niştimanî+Acans
