Hêzên Rûsiya bi êrîşên asîmanî kampa Elemel li gundewarê Idlibê nêzîkî sînorê Sûriya – Tirkiyê armanc kir, hevdem li gel salvegera heftemîn ya êrişa Rûsiya li ser Sûriyê.
Û Çalakvanan gotin ku 4 êrîşên Rûsî heman cih li ser rêya “Kilbîd Kefr Losin” li rojhilatê Bab Elhewa li gundewarê Idlibê armanc kirin, û diyar kirin ku di van êrîşan de 8 kes birîndar bûn, pîrejinek di nav wan de heye.
Û Hevbendiya Niştimanî ya Sûrî dît ku ev êrîş armanca dijminkariya Rûsiya li ser Sûriyê ji destpêkê de tekez dike, ji ber ku êrîşên wê yekser kamp û cihên niştecihbûnê û xalên pizîşkî û dibistanan armanc dikin, daku gelê Sûriyê lawaz bike û fişarê lê bike, daku dest ji daxwazên pêkanîna azadî û rûmet û demoqrasiyê berde.
û endamê Hevbendiya Niştimanî Basil Elxinêm, amaje bi wê yekê kir ku ji destpêka dijminkariya Rûsiya li Sûriyê ve, rijêma Botîn pabendî bi çi rêkeftineke agirbestê nekiriye, û karê wê tenê piştgiriya êrişên leşkerî yên dijminkarî û astengkirina pirosesa sîyasî ya girêdayî Sûriyê bû.
Û ji aliyê xwe ve endamê Hevbendiya Niştimanî Mihemed Wecîh Cuma, amaje bi wê yekê kir ku Rûsiya bi hezaran komkujî li Sûriyê pêk anîn, û bi dirêjahiya salan biryarên Encumena Ewlekariyê bo sizakirina rijêma Esed li ser tawanên ku pêk anîne jikar êxistin, û rewaya navdewletî yaku çêbûye daku gelên perîşan biparêze piştguh kir, û bal kişand ser ku xemsariya civaka navdewletî bû sedema berdewamiya Rûsiya di zordariyê de, ji ber ku îro di cenga Okraynya de ye, û terora xwe ya navdewletî careke dî bikar tîne.
Jêder: Ofîsa Ragihandinê ya Hevbendiya Niştimanî ya Sûrî
