Balyozê Hevbendiya Niştimanî ya Hêzên Şoreşê û Hevrikiya Sûriyê yê li Qeterê Nizar Elhirakî, di Kongirê piştgiriya Penaberên Sûrî de yê ko Komela Qeter ya xêrxwaziyê li jêr navûnîşanê “Qeyrana Mirovî.. Rewşa Zehmetkêşiyê Û Qebareya Pêrabûnê” ji bo yekirina bizavên şirîkên kartêker di qeyrana Penaberên Sûrî de beşdar bû.
Pêncî Rêkxistinên Navdewletî û Herêmî û Kesayetiyên Navdewletî yên payedar di Kongir de beşdar bûn. Armanca Kongir ew e ko Rêkxistinên mirovî yên Navdewletî û Herêmî û xwecihî yên bi rewşa Sûrî têkildar in kom bike. Hem ji bo hevrêzî û hevkariyê di beraberiya ketwara têkçûyî ya rewşa Derbider û Penaberên Sûrî hem jî danasîna pêdiviyên wan bikin.
Elhirakî bizavên ko desthilata Qeterê bi giştî û Desteyên Sivîl dikin, hem hewldanên sivikirina zehmetiyê li ser miletê Sûrî bilind nirxand.
Hem tekez kir ko ev pêşxerî di demeke aloz de hat ko hemû xelk bi aliyê dewletên derdor ve diçin, ji ber bombebaran û kuştin û zehmetkêşiya ko Penaberên Sûrî li Penagehan bi taybetî demsala zivistanê dibînin.
Şandyarê Emîndarê giştî yê Netewên Yekbûyî yê karûbarê mirovî Ebdulah bin Matûq got; em hêviya yekirina bizava Rêkxistinên mirovî û xurtkirina peywendiyan dikin. Hişyarî jî da ko piştgiriya darayî ya operasiyonên mirovî kêm e. Ew dê bobelatekê pêk bîne dibe ko çareseriya wê dijwar be eger ev pêşxerî biencam nebin.
Jêder: Hevbendî
