Balyozxaneya Sûriyê li Qeterê serdaneke hevkarîyê bo Balyozxaneya Okranya li Eldewha lidar xist, û têde hevkariya gelê Sûrî li gel miletê Okranya li hember dijminê Rûsî yê hevbeş anî ziman.
Û diplomatên Balyozxaneya Sûriyê li Qeterê û nûnerên Revenda Sûrî û saziyên pêve girêdayî beşdarî di serdanê de kirin, û Balyozê Okranî li Qeterê Endrê Kozmînko pêşwaziya wan kir, û ev helwesta biratî bilind nirxand, û sipasiya wan li ser vê serdana hevkarî û mirovahî kir.
Û Rêvebirê Karûbarê Balyozxaneya Sûrî li Qeterê D. Bilal Tirkiyê, xemgîniya xwe derbarê êrîşkirina Rûsî li ser gelê Okranya anî ziman, û tekez kir ku azadîxwazên Sûrî li kêlek gelê Okranya radiwestin, nemaze ku ji berê de gelê Sûrî heman derdeseriya ku xelkê Okranya îro dikşîne kişandiye, û bal kişand ser ku bêdengiya navdewletî derbarê tawanên cengê yên ku Rûsiya li Sûriyê pêk tîne hişt ku tirajîdî li Okranya dubare bibe.
Û Nûnerên Revenda Sûrî di serdanê de behsa hestên xwe yên biratî û yekbûna birînê kirin, û hêviyên xwe ku ewlehî û aştî bo herdû gelên bira û tevaya cîhanê pêk were anîn ziman.
Jêder: Ofîsa Ragihandinê ya Hevbendiya Niştimanî ya Sûrî
