Hin çalakvanan di riya malperên civakî re, daxwaza mangirtineke berfireh li bajarê Minbicê li gundewarê rojhilatê Helebê kirin, weke bersivekê li hember helmetên leşkerkirinê yên ku milîsên PYDe yên teroristî li deverê pêktînin, û biryar e ku mangirtin sibe roja pêncşemê dest pê bike.
Û çalakvanan daxwaza xwepêşandanan di bin navê “Mangiortina Minbica Rûmetê” kirin, wek derbirîna rewşa nerazîbûnê û hêrsa gelêrî ji ber kiryarên milîsên PYD li bajarê Minbicê, piştî destpêkirina helmeta mezin a leşkerkirinê ji aliyê van milîsan ve, dermafê bi dehan ji ciwanên deverê.
Û jêderin xwecihî bal kişandin ser ku ev milîs ji çend rojan de di rêya gelek xalên kontrolkirinê re hemleyeke mezin a leşkerkirinê pêk tînin, di nav de: Elxetaf – Şuweyha – Elmetahîn – Bazara Hemam – Dibistana Eladiyat – Elyestî – Elşerîe, û bi dehan kes li Minbicê û gundewarê wê li ser xalên kontirolkirinê bi armanca leşkeriya neçar têne girtin.
Tê zanîn ku di hezêrana derbasbûyî de xwepêşandanin mezin li gundê Ewn Eldadat li gundewarê Minbicê dijî milîsên PYD yên teroristî derketin, ji bo şermezarkirina rewşa xirab a xizmetguzariyê û ajotina ciwanan berve kampên leşkeriya neçar.
Û Hevbendiya Niştimanî ya Sûrî ji civaka navdewletî xwest ku bilez piştgiriya xwe ji milîsên tirorist yên PYD re rawestîne, û berpirsyarên binpêkirinan têde yên ku bi awayekî berdewam binpêkirinan dijî sivîlan û bi taybetî dermafê ciwan û zarokan pêk tînin siza bibin.
Jêder: Ofîsa Ragihandinê ya Hevbendiya Niştimanî ya Sûrî