Sekretêrê Desteya Siyasî ya Hevbendiya Niştimanî ya Sûrî Ebdilmejîd Berekat, xweşhaliya xwe bi biryara Birîtanya yaku navê hin kesayet û kompaniyên ku piştgiriya rêjîma Esed dikin xistine lîsteya sizayên xwe an nandoz bi kar anîne û şandine şerê li kêleka hêzên dagîrkerê Rûsî li Okranya anî ziman.
Û Berekat tekez kir ku gelê Sûriyê li benda hîn zêdetir sizayên navdewletî ye, li ser hemû hevalbend û hevkarên rêjîmê di tawanan de, ji kesayet û dewlet û rêxistinan, li gel pêwîstiya pêkanîna armanca ku siza ji bo wê hatine çêkirin di guhertina reftarên rijêmê yên siyasî û leşkerî û ewlekarî de, ji bo giheştina cîbicîkirina biryarên navdewletî û pêkanîna veguheztina siyasî ya rasteqîn.
Û malpera Hikûmeta Brîtanî duh daxwiyanî belav kiribû got ku sizaya di çarçoveya cezayên berfireh de ne yên ku ji aliyê Wezîra Derve ya Brîtanya Liz Truss ve hatine ragihandin, û 9 kes li Sûriyê ku piraniya wan rayedarên leşkerî ne û 2 kampaniyên ewlehiyê ne armanc kirine.
Û Cezayên Brîtanî Fermandarê Giştî yê Artêşa Rizgariya Filistînê Ekrem Mihemed Elsaltî, Serkirdeyên Milîsên Berevaniya Niştimanî li bajarên Siqêlbiyê û Miherdê li gundewarê Hemayê, Nabil Elebdullah û Sîmon Elwekîl, efserekî berê di hêzên rêjîmê de, û serkirdeyekî di Firqeya Eluhde Elomeriye de bi navê Ebû Hanî Şemût, û fermandarê firqeya 16 a fermandariya hêzên Rûsî li Sûriyê general Salih Elebdellah û xwedî û serokê rêvebiriya kampaniya Basikên Şamê ya Firokeyan Mihemed Essam Şemût di nav de bûn.
Û Daxwiyaniyê bal kişand ser ku kompanyên taybet yên ewlehiyê yên Elsayad û Sened ketine nav lîsteya sizayan de, ji bilî Serokê Cîbicîkar yê Kompaniya Elseyad Fewaz Mixaîl Gerges û Rêveberê Kompaniya Sened Ehmed Xelîl Xelîl û havparê wî Nasir Dîb.
Û berê Berîtaniya di sala bûrî de siza li ser şeş kesên ku nêzîkî serokê rijêmê bûn sepandibûn, û berî wê jî Wezareta Xezîneya Amerîkayê gurzek ji sizayan derxistibû, û tê de heşt kesayet û deh pêkhatên piştgiriya endamên Esed dikin hebûn, her weha Yekîtiya Ewropî di 21ê Tîrmehê de ragihandibû ku wê 10 kesayetên Sûrî xistine lîsteya sizeyan û piraniya wan leşker bûn û girêdayî hêzên rijêmê bûn û ew di lîsteya reş ya cezayên Ewropî de hatin, ji bilî du kompaniyên taybet yên ku nandozan ji Sûriyê dişînin bo Okranya û Lîbiya.
Jêder: Ofîsa Ragihandinê ya Hevbendiya Niştimanî ya Sûrî
