Nesir Elherîrî Emîndarê giştî yê Hevbendiya Niştimanî bêzariya xwe diyar kir ji “Nerêniya Hevpeymana Navdewletî derbarê Kuştarên ko di dermafê Xelkên Reqa de çê bûn, ji encama ko Firokên Esed Bermîlên Teqîner bi ser Sivîlan de baranadin.” Û Elherîrî got: “tev ko civaka navdewletî tu gavên rastîn ji bo rizgarkirina Sûriyan ji tiroristiya Esed navêtine, û Hevpeyman nikare wan ji tiroristiya Daiş rizgar bike, û sedeman jî em nizanin.
Îro cîhan li ser mezintirîn kuştar ne tenê di dermafê Reqa de bêdeng dimîne, belê di dermafê mirovantiyê bi giştî de, heta nuha hejmara qurbaniyan gihaye 130 Sivîlan û bi sedan birîndar û piraniya wan di rewşeke nebaş de ne.”
Ev nerênî û nediyarbûna awayê istiratîciya Hevpeymana Navdewletî di danûstandina bi ketwariya Sûriyê re, dihêle ko gelek kesên hejar bigihên kombendên tundrew, ne ko baweriyê bi piransîbên wan tînin, lê belê ji ber ku tenê ew rê li pêşiya wan e, li ber evê helwesta navdewletî ya riswa derbarî mijara mirovî ya ko li Sûriyê dikin. Bi rastî em nema dizanin gelo dehfdana xelkê ber bi tundrewiyê de ew istiratîciyeke navdewletî ye an jî şaşitiyeke tektîkî ye hêzên Hevpeymanê heta nuha metirsiya wê nizanin.
Herweha Elherîrî got: “tiştê sosret ko Firokên cîhanê hatine tawankarên ko Rojnamevanê Emerîkî Cêmis Folî kuştine siza bikin û kirdeyên Firokên Esed yên ko bi hezaran zarok, jin û xort kuştine piştguh bikin, tev ko Reqa ji navendên Hevpeymanê yên cengî çend xulekan ne dûr e.”
Bi rastî pirsgirêka bingehîn di siyaseta navdewletî de ko tawankarî ne pîvana wê a yasayî ye di danûstandina bi ketwarê re, belê pîvana ko îro yasaya navdewletî li ser radibe mixabin, xwezaya Tawankar e, Kî Tawankar e?, tev ko yekî hişmend be mandelê nake ko tawankariya Esed ne kêmî ya Daişê ye, li gora belgeha Peymana Mafê Mirovan, sizakirin li gor cûreyê tawanê ye û ne li gor xwezaya Tawankar e, tawankarî û herweha qurbanî divê regez û ol ji wan re tunebe.
Bi kurtî xelkên Sûriyê razî nabin ko Firok tola Hevwelatiyên xwe hilînin û ji bo kuştina bi sedên hezaran Zaroyên me, di çareseriya tiroristiyê de tenê protesto bikin. Çareserkirina tiroristiyê bi evê durûtiyê tiştekî nekêrhatî ye, gerek çareserî bi tekûzî bibe, ne tenê ji bo parastina Sûriyê belê ji bo rizgarkirina cîhanê ji metirsiya tiroristiyê, ya ko bi piştgiriya Esed û Îranê Herêm dagîr kiriye.
Herweha Emîndarê giştî destnîşan kir”Ev bombebarandina li ser Reqa îro hîç ne ji koranî ve ye, lê bombebarandineke rêkxistî ye sivîlan amanc dike. Sûrbûna Hevpeymanê li ser nedanîna sînorekî ji kuştarên Esed re, pejirandina kuştaran e û xizmeteke bê beramber ji hêzên Esed re pêşkêş dike.”
Jêder: Hevbendî
