Hevrêzkarê Girûpa Karûbarê Penaber û Derbideran ya Hevbendiya Niştimanî ya Sûrî Ehmed Bekûra, tekez kir ku rêxistin û torên mafên mirovan girtina penaberên ku ji Libnanê vedigeriyan deverên Esed di çend rojên borî de belgeh kiriye, hevdem ligel tundbûna êrîşên Israîlî û bombebarankirina Libnanê ji aliyê Îsrayîla dagîrker ve, û kiryarên cudakarî yên desthilatdarên Libnanê li hember penaberan ku wan ji cih û xwarin û derman û razanê bêpar dikin.
Bekûra di daxuyaniyeke rojnamevanî de amaje bi wê yekê kir ku bi hezaran penaberên Sûriyê yên li Libnanê yên ku rêjîma Esed pey wan dikeve, di çend rojên borî de neçar mane ku bi malbatên xwe ve vegerin deverên rêjîmê û got: “Piştî ku mirin bi ser wan de hat, çi ji aliyê bombebarankirina Israîla dagîrker ve be yan jî ji ber cudakariya ku li ser destê desthilatdarên Libnanî tên pêkanîn, ku rê nedan rêkxistin û ajansên hawarhatinê ji wan re cih, xwarin, û guhdana pizîşkî peyda bikin be, penaberên Sûrî neçar kirin ku vegerin deverên rêjîmê.
Bekûra bal kişand ku çarenûsa penaberên Sûrî yên ku vedigerin deverên di bin kontrola rejîmê de metirsîdar e, nemaze bi hebûna serborên berê yên belgekirî yên ku bûne sedema mirina xwediyên wan.
Bekûra daxwaz ji Netewên Yekbûyî kir ku bilez kar bike ji bo dîtina mîkanîzmekê ji bo parastina penaberên Sûrî yên ku vedigerin deverên di bin destê rêjîmê de, û girtina rê li ber girtin û kuştina wan ji aliyê rêjîmê ve.
Di heman demê de wî bang li UNHCR kir ku lêzê bikin ji bo dîtina çareseriyekê ji bi sed hezaran penaberên Sûrî yên li Libnanê re yên ku nikarin vegerin deverên rêjîmê.
Jêder: Ofîsa Ragihandinê ya Hevbendiya Niştimanî ya Sûrî
