Hevrêzkarê Girûpa Karûbarê Penaber û Koçberan a Hevbendiya Niştimanî ya Sûrî Ehmed Bekûra, dilgiraniya xwe derbarê bangên ku daxwaza vegerandina penaberên sûrî ji Libnanê û Qibris û Iraqê bi darê zorê dikin nîşan da, û daxwaza destwerdana yekser ji hikûmetên peywendîdar û civaka navdewletî ji bo parastina penaberan kir.
Bekûra di daxuyaniyeke rojnamevanî de tekez kir ku hewildanên Libnan û Qibrisê yên rawestandina daxwaznameyên penaberiyê û ragihandina “ewlebûna” hin deverên Sûriyê, nîgeraniyeke mezin peyda dike, û tekez kir ku “ewlehî ne peyveke siyasî ye, lê belê ew rewşin standard in ji bo salixdana jîngehekê ku ne wek rewşa Sûriya niha têre derbas dibe ye,” û anî ziman ku ev yek berovajî pîvanên navneteweyî yên ku vegera bi dilxwazî û ewle ya penaberan garantî dikin e.
Bekûra bal kişand ser wê yekê ku êrîşa kuştinê ya dijî xortê Sûrî Welîd Elî Ebdil Baqî li Libnanê pêk hat, metirsiya cidî ya ku penaber têde dijîn diyar dike, û got ku Ebdulbaqî piştî lêdanê rastî xemsariya pizîşkî hat, ku bû sedema mirina wî, û ev yek nîşan dide ku pêwîst e lêvegerek ji rewşa penaberan re çêbibe û parastina penaberan mukumtir bikin .
Bekûra bal kişand ser ku metirsiyên bi vî rengî li Iraqê jî hene, ku penaberên Sûrî di bin şert û mercên ne ewle de rastî gefên dersînorkirinê tên û ewlehiya wan a kesane dikeve bin gefê de.
Bekûra ji hikûmet û rêxistinên navdewletî xwest ku parastina penaberan û rêzgirtina li mafên wan li gorî yasayên navdewletî dabîn bikin, û tekezî li ser piştevaniya Hevbendiya Niştimanî ji daxuyaniyên Komîseriya Bilind a Neteweyên Yekbûyî bo Penaberan ya derbarê mafê penaberan yê vegera bi dilxwazî û ”dema ku ew bixwazin” kir. û destnîşan kir ku divê veger li gorî biryara penaberan bi xwe be, di şert û mercên ku ewlehî û rûmeta wan biparêzin de.
Bekûra bang li civaka navdewletî kir da bi erkên xwe di warê parastina penaberan û dabînkirina vegera wan a bi dilxwazî û ewle rabe, herweha tekezî li ser pêwîstiya rêzgirtina li yasayên navdewletî û mafên mirovan û karkirina ji bo cîbicîkirina biryara 2254 ya Netewên Yekbûyî ji bo giheştina veguhestineke siyasî li Sûriyê kir.
Jêder: Ofisa Ragihandinê ya Hevbendiya Niştimanî ya Sûrî
