Hevrêzkarê Girûpa Karûbarê Penaber û Derbideran a Hevbendiya Niştimanî ya Sûrî Ehmed Bekûra, pîrozbahî da tevahiya gelê Sûriyê bi boneya “serkeftina mezin” li ser hêzên rêjîma Esed, û spasîya”ciwanên me yên qehreman” kir, ên ku nimûneyeka cihê bilindnirxandinê bi riya dîsîplîn û berpirsiyariyê nîşan dan.
Bekûra got: “Heta ku em bigihêjin armancên xwe yên ku dixwazin, divê em pabendiyê bi vê viyanê bikin.”
Bekûra got ku parastina cebilxaneyê û bikarneanîna wê ji bo derbirîna kêfxweşiyê giring e, ji ber ku ev yek bandoreke neyînî dike û çavkaniyên giranbuha yên ku ji bo şer pêwîstin ji dest didin û tirsê di nav sivîlan de peyda dike û wiha pê de çû: “Bila em kêfxweşiya xwe bi vê serkeftinê diyar bikin bi riya pabendiya bi xebata zêdetir, herweha bi parastina ewlehî û aramiya gelê me.”
Bekûra tekez kir ku Hêzên Şoreş û Opozisyona Niştimanî ya Sûriyê gelek caran pabendbûna xwe bi piştgiriya çareseriyeke siyasî ya ku aramiya Sûriyê û parastina dezgeh û yekparçeyiya axa Sûriyê garantî dike tekez kiriye, û amaje bi wê yekê jî kir ku rêjîma tawankar berdewam bû di redkirina xwe ya dubare ji beşdarbûna di proseya siyasî de û sûr bû li ser rêbaza leşkerî ya tunekirina daxwazên Sûriyan, û Rûsiya ew neçar kir ku vê yekê bike, ku bû sedema girtina asoya çareya siyasî.
Bekûra tekez kir ku operasiyonên leşkerî yên niha berdewam in, encameke xwezayî ya vê têkçûnê û berdewamiya armanckirina rêjîmê ji sivîlan re li navçeyên rizgarkirî ye.
Bekûra diyar kir ku agahiyên ku ji herêmên di bin kontrola rejîmê de hatine bidestxistin, diyar dikin ku rejîm ber bi hilweşînê ve diçe, û got ku ji ber berpirsyariya xwe ya niştimanî, “em helwesta xwe ya neguhêr a girîngiya parastina dewleta Sûriyê û saziyên wê ji hilweşînê teqez dikin.”
Û got ku parastina dewletê û saxlemiya sazî û axa wê takerê ye ji bo garantîkirina aramiya Sûriyê û parastina mafên gelê wê.
Û tekez kir ku ew rê nadin siyasetên rejîmê û hilweşîna wê, dewletê ber bi kaosê ve bikşîne, û pabendbûna xwe bi karkirina ji bo çareseriya siyasî diyar kir ya ku garantiya veguhestineke rasteqîne dide û yekparçebûna axa Sûriyê û saziyên wê diparêze û xizmeta berjewendiyên gelê wê dike. .
Jêder: Ofîsa Ragihandinê ya Hevbendiya Niştimanî ya Sûrî
