Serokê Hevbendiya Niştimanî Sûrî Hadî Elbehra şermezariya xwe bo girtina rejîma Esed bi awayekeî zormilî ji Berpirsê Mekteba Siyasî ya Rêxistina Asorî ya Dimuqrat ” Gebriyêl Mûşê Gewriyê” re ku îroj salek di ser re derbas dibe nû kir.
Behra tekez kir ” Berdewamiya girtina Gewriyê bi girtiyên nerînê û peyva azad re, berdewamiya rejîma Esed di tawankariya xwe de derheqê xelkên Sûrî tekez dike, û nîşaneke beloq li ser derewên wî di xwestin û pejirandina çareseriay siyasî ya aştiyane de ye”.
Behra “Hemû girtinên derheqê têkoşerên siyasî ji bo helwestên wan yên niştimanî ” şermezar kirin. Serokê Hevbendiyê got:” Em di hevbendiya Niştimanî de piştgiriya xwe ji xebata hevalên xwe re di rêxistina Asûrî de diyar dikin, ku di têkoşîna xwe ya berdewam de nimûneya hevgirtinê di şoreşa Sûrî de bo azadî û rûmetê pêşkêş kir “.
Hevbendiyê di daxuyaniyeke rojnamegerî de berî niha girtina Gewriyê li bajarê Qamişlo û veguhestina wî bo dadgeha tirorê li Şamê şermezar kiribû, û ” Berdana yekser ji bo wî û hemû girtiyên siyasî û nerînan” xwestibû. Hevbendiyê dît ku kiryarên rejîmê û tawanên wî yên rojane ” Derewên wî di parastina kêmetewan de” eşkere dike.
Hevbendiyê ji desteyên navdewletî û rêxistinên mafên mirovan destwerdana yekser bo misogirkirina saxlemiya girtiyan xwest, girtiyên ku hejmarek ji zarok û jinan ên rejîma Esed ew bo zexta li ser şoreşger û dayîna gelerî ya şoreşê girtine.
Jêder: Hevbendî
