Sekreterê Desteya Siyasî, Hevrêzkarê Tîma Karê Yasaya Qeyser di Hevbendiya Niştimanî ya Sûrî de Ebdulmejîd Berekat, diyar kir ku Emerîka kar ji bo sepandina sizayên zêdetir li ser rijêma Esed û aliyên ku alîkariya wê di reva ji sizayan de dikin, dike.
Û di daxwiyaniyên ku rojnameya Elmudin belav kirine de, Berekat bal kişand ser ku ev pêngavên Emerîka dikevin çarçoveya vegera Waşingtonê li dosya Sûriyê, û dît ku rûdanên herêmî û navdewletî ev veger ferz kirin, û hêvî kir ku vegereke erênî be, û alîkariyê di cîbicîkirina biryara navdewletî de bike, ji bo bidawîkirina trajediya Sûriyê û pêkanîna veguhestina siyasî.
Û di axaftina xwe de got: “Kesê ku çalakiyên Emerîka yên di dema dawî de dişopîne, tê digihêje ku guhdana Washingtonê bi hemû hûrgiliyên siyasî, leşkerî, aborî û yasayî yên Sûriyê heye.”
Û Berekat amaje bi wê yekê kir ku diyar e Emerîka berê xwe daye sizayên tundtir li dijî rijêma Esed û aliyên ku bi wê re didin û distînin, û ne dûr e ku piştre guhdaneke mezintir ji aliyê Emrîka bi dosya Sûriyê û nemaze bi dosya sizayan û dadpirsînê çêbibe.
Û Sekretêrê Desteya Siyasî yê Hevbendiya Niştimanî, tekezî li ser giringiya rola Emerîka di dosya Sûriyê de kir, û daxwaza sepandina tund ya sizayan kir, daku rê li pêşiya peredana rijêmê û amûra wê ya leşkerî û ewlekarî bibre.
Jêder: Ofîsa Ragihandinê ya Hevbendiya Niştimanî ya Sûrî