Hevrêzkarê Tîma Yasaya Qeyser di Hevbendiya Niştimanî ya Sûrî de Ebdilmejîd Berekat, bi boneya salvegera cîbicîkirina Yasaya Qeyser yaku li ser rijêma Esed û siponserên wê hatiye sepandin, tekez kir ku ev roj herdem di bîra me tîne ku divê em bizavên girêdayî dosya sizayên Qeyser pirtir bikin, û dorpêçê li ser rijêma Esed û sembolên wê tengtir bikin.
Û Berekat got ku Hevbendiya Niştimanî herdem bi karê şopandina siyasî û rojnemevanî û warê agahiyan radibe ji bo cîbicîkirina yasayê û pêkanîna armancên wê, nemaze derbarê hewldanên rijêmê û piştgirên wê yên ku dixwazin pê ji sizayan birevin.
Û Berekat bal kişand ser ku Hevbendiya Niştimanî bi awayekî berdewam kar li ser arastekirina van sizayan berve binyada rijêmê û amûrên wê yên ewlekarî dike, daku ev siza kartêkertir bin û bêhtir bandorê li aboriya rijêmê û amûrên wê yên leşkerî bikin.
Û Berekat cext kir ku divê gelê Sûriyê zanibe ku sizayên Qeyser gelê Sûriyê armanc nakin, û ew di pileya yekemîn de yê ku aboriya welêt ruxandiya û samanên dewleta Sûriyê bo berjewendiya rêbaza xwe ya leşkerî ya xwîndar û berjewendiya siponserên xwe terxan kiriye armanc dikin.
Ji aliyê xwe ve Hevbendiya Niştimanî li ser lidarxistina zincîrek ji civatan li gel tîmê Yasaya Qeyser di rêvebiriya Emrîkî de û aliyên fermî yên dîtir re ji dema biryardana Yasaya Qeyser de kar dike, ji bo ku hevkarî û pişikdarî û cîbicîkirina yasayê bi baştirîn şêwe bo pêkanîna armancên wê zêde bike.
Jêder: Ofîsa Ragihandinê ya Hevbendiya Niştimanî ya Sûrî