Berevaniya Sivîl ya Sûrî di serhejmariya xwe ya derbarê hejmara qurbaniyên êrîşên rijêma Esed, Rusya û milîsên pêve girêday di sala 2022an de, eşkere kir ku di encama êrîşên li bakurê rojavayê Sûriyê de, 165 kes hatin kuştin û 448 kes jî birîndar bûn.
Û Bergiriya Sivîl diyar kir ku 55 zarok û 14 jin û 96 mêr di nav kuştiyan de hebûn, û hejmara birîndaran jî gehişte 134 zarok, 64 jinan û 250 mêrî.
Û Berevaniya Sivîl diyar kir ku hejmara êrîşên rijêma Esed, Rusya, û milîsên bi wan ve girêdayî li ser bakurê rojavayê Sûriyê, 800 êrîşên bi cûrbecûr çekan bû.
Û serhejmariya belgekirinê ev bû: 550 êrîşên bi topxaneyan, 63 êrîşên asmanî yên Rusy, 51 êrîşên bi mûşekan, û armanckirina bi mûşekên arastekirî gehişt 28 armancan, 3 ji wan bi mûşekên zemîn- zemîn û 3 bi firokeyên bê firokevan bûn, û êrîşên bi çekên goşîyî 5 êrîş bûn.
Û Endamê Hevbendiya Niştimanî ya Sûrî Eymen Elasimî, tekez kir ku ev serhejmêrî diyar dikin ku rijêma Esed û alîgirên wê di rêbaza leşkerî ya xwîndar de berdewam in, û her çareseriyeke aştiyane red dikin, û pirosesa siyasî tevlî aloztirbûna azarên gelê Sûriyê asteng dikin.
Û Elasimî bal kişand ser wê yekê ku rijêma Esed û piştgirên wê xema trajediya mirovî ya ku gelê Sûriyê tê re derbas dibe naxwin, nemaze sivîlên ku li deverênn rijêmê dijîn, û wan bi rastî duruşma xwe ya”Esed an emê welat bişewitînin” li ser xakê pêk anîn.
Jêder: Ofîsa Ragihandinê ya Hevbendiya Niştimanî ya Sûrî