Serokê Desteya Danûstandinê ya Sûrî D. Bedir Camûs, şiroveyek li pêşiya Desteya Siyasî ya Hevbendiya Niştimanî derbarê hevdîtinên ku Desteyê di gera xwe ya Ewropayê ya dawîn de pêk anîne, û têde serdana hejmarek ji paytextan kiriye û hevdîtin li gel berpirsên Ewropî bo kartêkerkirina pirosesa siyasî û cîbicîkirina biryara navdewletî 2254an li dar xistine, pêşkêş kir.
Û Camûs li ser civîna li gel Wezareta Derve ya Fransa ya ku têde gelek mijar hatin behiskirin, wek daxwaza piştevaniya rikberiya siyasî û pabendbûna nûnerê Netewên Yekbûyî Geir Pedersen bi erkê wî yê cîbicîkirina biryara 2254, axivî.
Û Cemûs bal kişand ser wê yekê ku civîna li gel berpirsên Wezareta Derve ya Almaniya giring bû, ji ber ku di civînê de cîbicîkirina biryarên navdewletî yên taybet bi Sûriyê û di pîşî de daxwiyaniya Cinêvê û herdû biryarên 2118 û 2254 hatin gotûbêjkirin, û daxwaza kartêkerkirina karê girûpa navdewletî ya biçûk têde hebû.
Û Camûs şiroveyek li ser hevdîtina li gel Wezareta Derve ya Brîtanyayê yaku têde daxwaza lidarxistina civînekê bo guhdarkirina Desteya Danûstandinê di Perlemanê Brîtanya de kiriye, û daxwaza dubarekirina kartêkerkirina Komîteya Dostanîya Birêtanî-Sûrî ya di perleman de kir, û Birêtaniyan tekezî li ser guhdana welatê wan bi piştgiriya mijara hînkirinê li Sûriyê û dirêjkirina biryara derbaskirina alîkariyên mirovî di xalên sînorî re kir.
Û Camûs behsa komxebata ku Desteya Danûstandinê li Cinêvê li dar xistibû, ya derbarê gihandina alîkariyên mirovî di riya xalên sînorî re, yaku bi sponseriya heft dewletan bû, û armanc jê ronîkirina qebareya alîkariyên mirovî yên têne xwestin û zêdekirina wan bû kir. Ku tê de xwestin ku ew alîkarî neyên rawestandin berî çareya siyasî ya tam yaku dê aramî û aştiya domdar peyda bike. Û dûrxistina biryara alîkariyan ji bandorên siyasî di Encûmena Ewlekariyê de, her wiha tekeziya li ser wê yekê ku çareserî li Sûriyê çareseriyeke siyasî ye, ji ber ku bidawîanîna pirsgirêka mirovî di riya cîbicîkirina biryara 2254an re ye.
Û Camûs behsa hevdîtina xwe ya bi Nûnerê Netewên Yekbûyî Geir Pedersen re, yê ku ji bo berdewamkirina karê Komîteya Destûrî dixebite kir, her weha li ser hevdîtinên li gel nûnerên hejmarek ji dewletan li Cinêvê axivî.
Jêder: Ofîsa Ragihandinê ya Hevbendiya Niştimanî ya Sûrî