Ofîsa Belgekirina Binpêkirinan ya “Kombûna Azadîxwazên Horanê”, kuştina 42 kesan di heyva berfanbara bûrî de li parêzgeha Deraa tomar kir, ciwanek, 2 zarok û kesek li derveyî parêzgehê hatibû kuştin di nav wan de hene. Her weha kuştina sivîlekî di bin îşkencê de di zîndanên rijêma Esed de.
Û wê Ofîsa Belgekirinê 30 hewildanên kuştinê serjmar kirin, ku di encamê de 18 kes hatin kuştin, û 11 kesên din jî birîndar bûn, û 7 kes ji wan hewildanên kuştinê rizgar bûn.
Û di heyva bûrî de Ofîsê girtina 17 kesan ji aliyê hêzên rijêmê ve li parêzgeha Deraayê belge kir, 8 ji wan di heman heyvê de hatin azadkirin. Û amaje bi wê yekê kir ku 8 kes ji aliyê Îstixbaratên Leşkerî ve, 4 ji aliyê hêzên îstixbaratên asmanî ve, û 5 kes ji aliyê Şaxê Ewlekariya Tawanan ve hatibûn girtin.
Û Ofîsê eşkere kir ku wê di heyva bûrî de revandina 7 kesan li parêzgeha Deraayê belge kiriye, termê 3 kesan ji wan hatin dîtin û çarenivîsa 4 kesên revandî jî heta dema amadekirina raportê nediyar e.
Û Ofîsa Belgekirina Binpêkirinan, amaje bi wê yekê kir ku hejmara girtiyan li parêzgehê ji hejmara kesên ku ji aliyê Ofîsê ve hatine belgekirin zêdetir e, ji ber ku gelek malbatên girtiyan ji tirsa pirsgirêkên ewlehî agahiyên girêdayî zarokên xwe nedane, ji ber rêşûnên ku ji aliyê dezgehên ewlekariyê yên rijêmê ve li parêzgehê têne birêvebirin.
Jêder: Ofîsa Ragihandinê ya Hevbendiya Niştimanî ya Sûrî