Tora Sûrî ya Mafên Mirovan di raporta xwe ya mehane ya nû de, eşkere kir ku di sala 2022an de 1057 sivîl li Sûriyê hatine kuştin, 251 zarok û 94 jin di nav wan de hene, û 133 kes ji wan bi îşkenceyê hatine kuştin. Û bal kişand ser ku kuştina xelkê Sûriyê ji destpêka şoreşê di adara 2011 de berdewam e.
Û raporê diyar kir ku rijêma Esed 196 sivîl kuştin, 30 zarok û 7 jin di nav wan de hene, di heman demê de hêzên Rusya 17 sivîl kuştin, 8 zarok û jinek di nav wan de hene, û DAIŞê 9 sivîl, û raporê kuştina 11 sivîlan di nav de 2 zarok û 2 jin li ser destê Heyet Tehrîr Elşam, û 76 sivîlên ku di nav de 11 zarok û 6 jin li ser destê milîsên PYD hatin kuştin, û 748 sivîlên ku 200 zarok û 78 jin di nav wan de hene, li ser destên aliyên din hatine kuştin, tomar kiriye.
Û di heyva berfanbara bûrî de, saziyê kuştina 55 sivîlan di nav wan de 9 zarok û 2 jin belge kir, ji wan 11 sivîlên ku 4 zarok di nav wan de hebûn bi destê hêzên rijêma Esed hatin kuştin, û sivîlek bi destê Heyet Tehrîr Elşam hat kuştin, û 5 sivîl bi destê milîsên PYDe, û 38 sivîlên ku 5 zarok û 2 jin di nav wan de hebûn, li ser destê aliyin din hatin kuştin.
Û raporê kuştina 133 kesan bi sedema îşkencê di sala bûrî de tomar kir, 115 ji wan li ser destê hêzên rijêma Esed bûn, zarokek û jinek di nav wan de hebûn, û kesek li ser destê Heyet Tehrîr Elşam û 14 kes li ser destê milîsên PYDe û 3 li ser destê aliyên din hatibûn kuştin.
Û raporê bal kişand ser ku di sala 2022an de 12 komkujî çêbûn, 2 ji wan li ser destê hêzên rijêma Esed, 2 bi destê hêzên Rusya, û yek bi destê milîsên PYDe, û yek bi destê DAIŞê, û 6 li ser destê aliyên din pêk hatin.
Û raporê destnîşan kir ku 6 kadroyên pizîşkî di sala 2022an de li ser destê aliyên nenas hatin kuştin, di heman demê de 3 karmendên ragihandinê di sala bûrî de hatin kuştin, 1 ji wan li ser destê hêzên rijêma Esed û 2 li ser destê aliyin din.
Û raporê anî ziman ku hejmara kuştiyan li parêzgeha Helebê di sala 2022an de ya herî zêde bû, bi rêjeya nêzîkî 21%, û parêzgeha Deraa duyemîn bû bi rêjeya nêzîkî 19%, paşê parêzgeha Idlibê hat, bi rêjeya nêzîkî 14% .
Û raporê daxwaza standina rêşûnên zêdetir piştî derketina biryara jimara 2254an a Encumena Ewlekariyê ya Netewên Yekbûyî kir, û cextî li ser veguhastina dosyaya Sûriyê bo Dadgeha Tawanên Navdewletî û sizakirina tevaya kesên tevlî tawanên dijî mirovahiyê û tawanên cengê bûne kir.
Jêder: Ofîsa Ragihandinê ya Hevbendiya Niştimanî ya Sûrî
