Serokê Hevbendiya Niştimanî ya Sûrî Selim Elmislit di du rojênan de hejmarek hevdîtin li Enqerê bi rayedarên Tirkiyê re li dar xistin, û îro li baregeha Wezareta Derve ya Tirkiyê bi Wezîrê Derve yê Tirkiyê Mevlut Çavuşoglu re hevdîtinên xwe li paytexta Tirkiyê bidawî kirin, û di hevdîtinê de Serokê Desteya Danûstandinê ya Sûrî Bedir Camûs û Serokê Hikûmeta Sûrî ya Demkî Ebdilrihman Mûstefa amade bûn.
Amadebûyan pêşhatên dawî yên rewşa meydanî û pêşketinên siyasî yên girêdayî dosya Sûriyê gotûbêj kirin, û Elmislit tekez kir ku Tirkiye hevalbendekî xurt e ji hêzên şoreş û rikberiya Sûriyê re, û piştgirekî mezin e ji hêviyên Sûriyan re di pêkanîna azadî, rûmet û demokrasiyê de, û hêviya xwe anî ziman ku Tirkiye weha bimîne, û gavên wê di berjewendiya van xwestekan de bin, di rêya cîbicîkirina çareseriya siyasî ya ku di hemû biryarên navdewletî yên derbarê pirsa Sûriyê hatine pesendkirin re, bi taybetî daxwiyaniya Cinêvê û herdû biryarên 2118 û 2254.
Û di heman demê de, Elmislit hişyarî ji rijîma Esed û xapên wê da, û got ku ew pabendiyê bi sozên xwe nake, û civaka navdewletî di salên bûrî de ew baş nas kiriye.
Û Elmislit tekez kir ku hêzên şoreş û rikberiya Sûriyê dawaza kartêkerkirina pirosesa siyasî dikin û ew daxwaza wan ya herdem e, ji bo derdeseriyên gelê Sûriyê di riya veguhastina siyasî ya tam re bidawî bîne, û qonaxeke nû li Sûriyê li ser bingeha dadmendî û wekheviyê damezrîne, û aramî û ewlehiyê li Sûriyê û dewletên deverê vegerîne, ji ber ku bûyerên ku li ser xakê dibin piştrast dikin ku rijêma Esed milîs û rêxistinên tiroristî yên sînoran derbas dikin ava kirine.
Û Elmislit diyar kir ku rijêma Esed tevaya berpirsyariya tiştên ku li Sûriyê çêbûne û ta niha berdewam in hildigire, ji ber ku wî kuştin, tepeserkirin, teror û keresteyên hişber bikar anîn, da li ser desthilatê bimîne, û xap û berepêkan ji bo paşxistina her proseyeke siyasî girêdayî Sûriyê bikar tîne.
Û Elmislit spasiya Tirkiyê û hemû dewletên ku pêşwaziya penaberên Sûriyê kirine kir, û tekez kir ku tiştê ku Tirkiyê bi taybetî û hemû dewletên ku mêvandariya penaberên Sûriyê kirine bi giştî nayê jibîrkirin, û deyneke di stûyê hemû gelê Sûriyê de, û cextî li ser çareseriya rasteqîn bo çareserkirina kêşeya penaberan kir, û got ku ew çareserî dê bi riya veguhertineke siyasî û dabînkirina jîngeheke ewle û aram a garantiya vegera ji def xwe û ewle ya penaberan pêk bîne be.
Û di civînan de cextî li ser pêgiriya rikberiyê bi daxwazên gelê Sûriyê û pirensîpên şoreşê yên ku gelê Sûriyê hîna jî bi xwepêşandanên berdewam li bakur û başûr bo wan derdikeve kir, ji ber ku ew daxwaz emanet in û dest ji wan nayê berdan ta pêkanîna tevaya armancên şoreşa Sûriyê.
Ji aliyê xwe ve, Wezîrê Derve yê Tirkiyê Mevlut Çavuşoglu, di hevdîtinê de tekez kir ku pêngavên Tirkiyê bi armanca rûbirûbûna terorê û bilezkirina proseya siyasî ya girêdayî Sûriyê ne, li gorî biryara navdewletî 2254 û dîtina çareseriyeke ku tirajîdiya gelê Sûriyê bi dawî bike.
Û Davutoglu tekez kir ku helwesta Tirkiyê di piştgiriya şoreşa Sûriyê û hêzên rikberiya Sûriyê û gelê wê de wek xwe ye û nehatiye guhertin, û tekezî li ser miqarebûna welatê xwe li jiyana xelkê Sûriyê û pabendbûna bi mafên penaberên Sûrî li Tirkiyê kir, û red kir ku çi niyet an fişar ji bo vegera penaberan hebin berî dabînkirina aramiyê.
Jêder: Ofîsa Ragihandinê ya Hevbendiya Niştimanî ya Sûrî
