Berevaniya Sivîl a Sûriyê got ku hejmara êrîşên rêjîma Esed û hevalbendên wê li ser navçeyên bakurê rojavayê Sûriyê di nîvê yekem ji sala 2024an de gihîştiye 392 êrîşan, ji encamê 38 kes şehîd bûne, 13 zarok û 6 jin di nav wan de hene, 150 kesên din ên 57 jê zarok 16 jin in birîndar bûne.
Berevaniya Sivîl di infografeke statîstîkî de derbarê êrîşên rêjîmê û hevalbendên wê li ser deverên bakurê rojavayê Sûriyê, diyar kir ku hêzên Rêjîmê û Rûsyayê 293 caran topxane, 27 caran roketavêj, 3 caran çekên şewatker û 7 êrîşên asîmanî bikar anîne.
Berevaniya Sivîl tekez kir ku di nîvê yekem ji sala 2024an de, êrîşên hêzên rêjîmê, Rûsya û hêzên ser bi wan ve li ser deverên bakurê rojavayê Sûriyê berdewam bûn, û got ku di van êrîşan de wan çekên şewatker û goşeyî, mûşekên arastekirî û balafirên bêmirov ên xwekuj, topên hawinê û êrîşên asîmanî bikar anîne.
Bergiriya Sivîl tekez kir ku van êrîşan nearamî li herêmê zêde kir û jiyana sivîlan û xebatên perwerdehî, bazirganî û çandiniyê têk birin.
Ji aliyê xwe ve, Hevbendiya Niştimanî ya Sûrî, tekez kir ko berdewamiya bombebarankirina taxên niştecihan ji aliyê rêjîma Esed û alîgirên wê ve, û bikaranîna cûrbecûr çekan li dijî sivîlan, careke din xemsariya rêjîmê û alîgirên wê li hember yasayên navdewletî, peyman, biryar û mafên mirovan diyar dike, û bi zelalî sivkatiya wan bi rêxistin û dezgehên navneteweyî yên erkdar in bi cîbicîkirina biryaran nîşan dide.
Ji ber xemsariya civaka navdewletî û rêxistinên navdewletî hember cîbicîkirina erkên xwe yên yasayî û mirovî yên ji bo rawestandina tawanên cengê yên ji aliyê rêjîma Esed ve pêk tên, rêjîm rojane berdewam e di bikaranîna hovîtiyê de li dijî sivîlan ku dibe sedema kuştin û birîndarbûna berdewam, û ev yek dê bibe sedema pêleke nû ya koçberbûna bi hezarên Sûrîyan, eger bi lezgînî ev dijminkarî neyên çareserkirin.
Jêder: Ofîsa Ragihandinê ya Hevbendiya Niştimanî ya Sûrî
